Hasi negoshi na Boneiru ta hopi eksiguiente. E desafionan di un isla, un komunidat chikitu, e klima i otro sirkumstansianan ta eksigí lo máksimo di un empresario. E empresario ku ke kuminsá na Boneiru i logra tambe, mester pensa inovativo, mester ta kreativo ku tur sirkumstansia  i mester por adaptá su mes na e merkado Karibense. Di otro banda tin e bentaha di un bon bista riba tur kos i e hopi oportunidatnan pasobra e merkado ainda ta kresiendo. Por kompará Boneiru ku un fèlt di yerba bèrdè kaminda komo empresario bo por bai den tur direkshon i kaminda riba hopi tereno ainda no tin òf apenas tin kompetensia. En breve, un merkado kresiente ku hopi oportunidat i desafio.

Boneiru ta enfoká riba tres pilá, esta turismo, sektor di servisio i agrikultura. Sostenibilidat ta un palabra ku ta fuertemente vinkulá ku Boneiru. Un ehèmpel di esaki ta e kantidat grandi di energia sostenibel ku ya kaba nan ta generá i prosesá. Ku esei Boneiru ta un di e ehèmpelnan mas destaká riba tereno di energia sostenibel.

Hasi negoshi na Boneiru

O tuma kontakto ku nos