Registro Komersial ta será for di djamars 26 di òktober 2021 (16:00) te djaluna 1 di novèmber (09:00)

Apresiabel empresario,

Pa medio di esaki nos ta informá bo tokante un próksimo interupshon temporal di Registro Komersial di Kámara di Komèrsio Boneiru.

Nos Registro Komersial lo ta será: di djamars 26 di òktober 16:00 te djaluna 1 di novèmber 09:00.

Nos ta ferwagt di tuma nos sistema di registro komersial nobo den uso dia 1 di novèmber 2021. E sistema nobo akí ta pèrmití bo pa di awor en adelante manehá en prinsipio tur transakshon ku bo ta hasi ku nos Registro Komersial den un forma digital.

Nos tin mester di e periodo di 26 pa 31 di òktober pa pasa di e sistema aktual pa e sistema nobo.

Esaki ta nifiká ku te pa mas tardá 26 di òktober 16:00 bo por akudí serka nos pa petishon pa ekstrakto (uittreksel), entrega di kambio di bo registrashon i registrashon di un empresa òf otro organisashon nobo, te na momentu ku e Registro Komersial online nobo subi online.

Si tin pregunta, gustosamente nos ta dispuesto pa kontestá esakinan.

Kámara di Komèrsio i Industria Boneiru