Un di e preguntanan ku bo mester hasi ta tokante e eskoho pa un forma hurídiko pa bo empresa. E ta bira un Kompania Anónimo (NV), un Kompania Privá (BV) òf un Negoshi Propio (EZ)? Òf e ta bira un fundashon òf un asosashon? Tur e formanan aki ta kai bou di e diferente formanan hurídiko ku Boneiru konosé. Kada forma hurídiko tin su bentaha- i desbentahanan, esei ta dependé di e situashon. Tin diferensia den tipo (persona hurídiko i persona no-hurídiko), diferensia den gastunan di lanta un negoshi, un notario ta nesesario òf nò ets. E diferensianan mas importante entre e formanan hurídiko mas popular bo ta haña den e skema AKI (Nederlands):

Mas informashon

Ta bon pa informá bo mes bon di e bentaha- i desbentahanan. Esaki bo por hasi na KvK den un kombersashon personal ku un di nos konseheronan.

For di kas tambe naturalmente bo por hasi sierto kos. Bo por determiná pa bo mes kaba kua forma hurídiko ta pas mas tantu serka bo futuro empresa.

O tuma kontakto ku nos

Preguntanan ku nan ta hasi hopi tokante formanan hurídiko

  • Mi ke lanta un BV; mi ta obligá pa bai un notario?

    Si, un BV ta un forma hurídiko i esei ta na un notario na Boneiru mester hasi’é. Esei ta un eksigensia legal ku no por ni mag desviá for di dje. No ta posibel tampoko pa hasi uso di un notario ku no ta establesé na Boneiru. Na Boneiru bo por skohe entre dos notario. Mas informashon tokante lantamentu di un BV bo ta haña den e Whitepaper tokante BV ku ta spesialmente desaroyá pa esaki. Bo ta haña e Whitepaper AKI (Nederlands).

  • Mi ke kambia mi Negoshi Propio (EZ) hasi’é un BV / NV; esei por?

    Si, esei por. Pa hasi e kambio di EZ pa un persona hurídiko (tantu BV komo NV ta persona hurídiko) bo mester bai un notario. Esaki por hasi e lantamentu di un BV / NV pa bo. Bo mester indiká si ta trata di un kambio di un empresa eksistente (den e kaso aki un EZ). Bo ta keda ku e mesun number di KvK ku ta bálido pa e EZ. Nan ta kambia e informashonnan di e EZ pa e informashonnan di e BV / NV. Bo mester tene kuenta si ku mester pasa e pèrmitnan ets. ku ta riba nòmber di e EZ riba nòmber di e BV / NV nobo.

  • Mi por tin mas ku un forma hurídiko riba mi nòmber?

    Si, komo persona bo por tin diferente BV, NV i fundashon riba bo nòmber. E úniko eksepshon ta regardá e kantidat di Negoshi Propio (EZ) riba nòmber di 1 persona. No ta pèrmití pa tin mas ku un EZ riba bo nòmber.