Empresanan ku ta registrá den registro komersial tin e posibilidat pa agregá un òf mas nòmber komersial. Un nòmber komersial por diferensiá di e nòmber ofisial di e empresa. E nòmber ofisial aki ta den e statutonan i no por kambi’é sin mas (a menos si un notario adaptá e statutonan). Pa medio di un nòmber komersial komo empresario bo por hasi distinshon pa otronan, por ehèmpel diferente nòmber komersial pa diferente aktividat.

Evaluashon di e nòmber komersial

Den algun kaso no ta pèrmití òf no ta konsehabel pa usa un sierto nòmber komersial. Si por ehèmpel ya kaba e nòmber komersial ta aparesé den registro komersial di Boneiru (òf e ta hopi paresido na un otro), ta rekomendabel pa skohe un otro nòmber. Mesunkos ta e kaso pa un nòmber konosí i/òf protehá. Asina uso di e nòmber komersial Apple, Samsung, Shell, McDonalds ets. no ta konsehabel ounke nan no ta aparesé den e registro di Boneiru. E nòmbernan aki ta registrá i pues protehá. Si bo skohe tòg pa un nòmber asina bo por vèrwagt ku riba término kòrtiku lo sigui eventual konsekuensianan hurídiko di parti di e empresa ku bo a usa su nòmber.

Bo por laga kontrolá e nòmber komersial ku bo a skohe na Kámara di Komèrsio. E gastunan pa esaki ta 30 dòler. Ora bo lanta un persona hurídiko (por ehèmpel NV, BV òf fundashon) na notario e kontròl aki ta inkluí den e preis.

Preguntanan ku nan ta hasi hopi tokante (registrashon di) nòmber komersial

  • Kiko ta pasa si mi ke inskribí un nòmber ku ta eksistí kaba?

    Ora bo hasi un petishon pa un nòmber komersial na registro komersial nan ta kontrolá si ya kaba esaki ta registrá i si posibelmente e por ta konfliktivo ku otro nòmber komersial. Si nos duna un konseho negativo esun ku a hasi petishon por hasi dos kos: e por kambia e nòmber hasi’é un nòmber ku no ta konfliktivo i entregá esaki. Òf e por entregá e nòmber tòg. Nos ta informá e promé usuario di e nòmber tokante esaki. E promé usuario por ‘claim’ e nòmber i eventualmente entregá un petishon pa daño i perwisio serka wes. Den e kaso ei e promé usuario mester prueba ku el a sufri daño komo konsekuensia di e echo ku un otro hende ta usa e mesun nòmber.

  • Mi por inskribí mas ku un nòmber komersial?

    Si, esei ta posibel. Bo mes mag disidí kuantu nòmber bo ke registrá. Pero ta bon si ku e nòmbernan ta direktamente relashoná ku e aktividatnan ku bo ta ehersé komo empresa. Esaki ta pa prevení ku ta surgi bruashon serka otronan. Por ehèmpel ta keda poko straño si bo duna bo panaderia un nòmber ku tin ‘karniseria’ òf ‘kompania di fèrf’ aden.

    Un fundashon òf asosashon (ku no ta karga un empresa) no por entregá un nòmber komersial. Solamente bou di e nòmber ofisial nan por aktua i ta inskribí, eventualmente ku un nòmber abreviá ku nan a entregá. Hopi biaha e nòmber aki ya kaba e notario ta indiká den e statutonan.

  • Mi no ke usa un nòmber komersial mas, esei por?

    Si, esei ta posibel. Semper bo por kita un nòmber komersial di bo empresa for di registro si bo ke. E persona / personanan ku ta representá e empresa mester nasi notifikashon di esaki na e registro. Pa hasi esaki bo mester yena un formulario R i firm’é (Nederlands).

    E nòmber ofisial di un empresa (BV òf NV / fundashon / asosashon) bo no por kita sin mas. E informashon aki ta den e statutonan di e persona hurídiko. Solamente notario na Boneiru por kita e informashon aki.

O tuma kontakto ku nos