KvK ta para pa Kámara di Komèrsio i Indùstria; KvK ta un persona hurídiko segun derecho públiko (fundá konforme lei) i ta operá komo un órgano ku outoridat públiko independiente di gobièrnu (tantu lokal komo di Reino).

KvK tin algun tarea ku lei a stipulá (Lei di Kámaranan di Komèrsio BES). E tareanan mas importante ta:

  • Maneho di e registro komersial di Boneiru (aki den tin tur empresa, persona hurídiko i sukursal notá ku ta establesé na Boneiru).
  • Informá i konsehá gobièrnu riba tereno di desaroyo ekonómiko (tantu riba petishon komo no riba petishon).
  • Representá tur empresa na Boneiru.

Prinsipalmente KvK ta hasi esfuerso pa mehorá e kondishonnan básiko pa hasi negoshi na Boneiru. Komo empresario riba diferente nivel bo ta haña konseho i informashon for di Kas Empresarial Boneiru (un inisiativa di KvK pa realisá un ‘one-stop-shop’ na Boneiru). Asina e Lokèt pa Empresa t’ei pa informashon tokante pèrmit komersial i bo por haña informashon i konseho dirigí di un di e konseheronan tokante tur loke tin di haber ku hasi negoshi na Boneiru. E intenshon ta ku Kas Empresarial ta bai trese vários asuntu tras di e mesun porta djadilanti, di manera ku empresarionan ta pèrdè menos tempu ora nan ta buska sierto informashon.

Na e momentunan aki tin 9 empleado ta traha na KvK i e direktiva ta konsistí di 5 persona. Huntu nos ta purba tradusí e tareanan legal mas tantu posibel den e retonan diario ku nos ta topa kuné na Boneiru. Spesialmente desaroyo ekonómiko di nos komunidat ku énfasis riba empresariado ta un reto kontínuo.

E direktiva di Kámara di Komèrsio ta konsisti di:

  • Jeaniro Balentien – voorzitter
  • Judy Diaz – vice voorzitter
  • Leonard Domacasse – penningmeester
  • Marcel Westerhof – bestuurslid
  • Ghoulam Chowdry – bestuurslid

E resumen anual di Kámara di Komèrsio i Industria Boneiru pa e aña 2023 por wòrdu konsultá via e link.

jaarcijfers 2020

MCB: 419.291.05 (pa pago di e kontribushon anual)
MCB: 102.822.07 (pa pago di tur otro produkto)

O tuma kontakto ku nos