Kámara di Komèrsio ta organisá tayer ‘Make your business unshakable in 2023’

Kámara di Komèrsio i Industria Boneiru den kolaborashon ku Ki Connect ta invitá empresarionan ehekutivo i nan mènedjernan pa e tayer ‘Make your business unshakable in 2023’ (Sòru pa bo negoshi no tambaliá den 2023) dia 1 di febrüari parti mainta. Esaki ta un oportunidat úniko pa atkerí kapasidatnan i abilidatnan nobo.

Empresanan lokal ta pasando den tempunan insigur. Banda di faktornan eksterno impredesibel, manera inflashon i falta di stabilidat ekonómiko, tin tambe kestion di desaroyonan interno, manera retonan na sitio di trabou i diferensia di generashon. Pa realisá un empresa fuerte i resiliente, ta indispensabel pa krea un ambiente di trabou enérgiko i mantené un tim hopi enbolbí i sinsero ku ke destaká, no opstante e opstákulonan ku nan ta topa.

Den e tayer nos ta yuda e lidernan partisipante pa deskubrí nan meta komo lider resiliente pa medio di identifiká nan kalidatnan i siña nan kon nan por sinkronisá esakinan ku e metanan di e empresa i revitalisá esakinan ku energia nobo.

Nos ta invitá empresarionan pa inskribí nan ehekutivonan, di manera ku nan por bira lidernan resiliente i ku abo por gosa di tur bentaha, entre otro redukshon di ousensia pa motibu di malesa di empleadonan, kreashon di timnan outomotivante i finalmente oumento di resultadonan di e empresa.

E aña akí tambe Kámara di Komèrsio i Industria Boneiru lo sigui hasi esfuerso pa proveé empresarionan na nos isla ku tayer, kurso i proyekto. Partisipashon na e tayer ta GRÁTIS i e ta tuma lugá na Delfins Beach & Resort Bonaire for di 8:00 or di mainta te 12:00 or di mèrdia. Nos lugánan ta limitá, pues inskribí bo mes mas rápido posibel, preferibelmente promé ku 25 di yanüari. E tayer ta na ingles.

Pa pregunta i informashon tokante e tayer akí òf tokante kualke otro asuntu bo por tuma kontakto ku Kámara di Komèrsio na 717- 5595 òf manda un email na bis@kvkbonaire.com.