YUDANSA ku deklarashon di Inkomstenbelasting ONLINE

E aña aki tambe Belastingdienst, den kolaborashon ku Kamara di Komersio (KVK), ta brinda e oportunidat pa yudá bo ku yenamentu di bo deklarashon online. Bo ta pasa ku bo lèptòp, tablèt, òf telefon selular i bo ta risibi asistensia, di manera ku abo mes por hasi bo deklarashon online.

Bo ke hasi uso di e oportunidat aki?
Registrá bo mes adelantá, pa mas tarda djabièrnè 25 di aprel 2023, via: register@kvkbonaire.com

Kiko bo mester:
Dokumentunan di prueba (si ta aplikabel) pa hasi deklarashon:

• ‘Jaaropgave/Loonbelastingkaart’ i eventual otro entradanan risibí (kuenta anual E.Z.)
• Resibu di pago di seguro di bida
• Resibu di mantenshon di bo propio kas
• Karta di interes di hipotek i seguro di riesgo i kandela
• Karta di interes di fiansa personal
• Resibu di mantenshon di famia
• Resibu di gastunan médiko i òf fayesimentu
• Resibu di gastunan pa estudio propio i òf yu (nan) ku ta studia na un MBO, HBO òf universidat
• Deklarashon di inskripshon di e skol i e instansia ku ta finansiá e estudio
• Prueba di resepshon di interes (di spar)/dividendo

Sòru pa esaki ta di skèn i di seif kaba riba e aparato ku lo bai usa.