Prepará boso empresa bon i na tempu pa un eventual tormenta!

EMPRESARIONAN: PREPARÁ BOSO EMPRESA BON I NA TEMPU PA UN EVENTUAL TORMENTA!

Chèk e wèpsait: BonaireCrisis.com i download e app spesial di Entidat Públiko Boneiru: Disasterprep Bonaire.

Apresiabel empresario,

Temporada di orkan a kuminsá: e periodo den aña kaminda ta surgi mas tormenta. Ta importante pa protehá bo empresa kontra un tormenta. Kon bo ta sòru pa bo empresa ta bon prepará? Nos ta pone e rekomendashonnan un tras di otro pa bo:

• Sòru pa bo empleadonan tambe sa ku temporada i orkan a kuminsá.
• No laga artefaktonan ku ta lòs keda pafó. Tene e tereno pafó di bo empresa limpi i wak kiko eventualmente bientu por ranka kita for di nan lugá.
• Limpia tur roi, di manera ku awa di yobida por kore bai.
• No stashoná outo den roi.
• Determiná na kua sitio den e edifisio abo i bo empleadonan ta seif, den kaso di emergensia: un espasio ku no ta direktamente den bientu.
• Klaba plachi di multiplèks kontra e bentananan pa protekshon. Bo por plak duct-tape tambe den forma di un X riba e bentananan: for di e huki na man robes parti ariba bai e huki na man drechi parti abou i vise vèrsa.
• Sòru pa un stòk di emergensia: sèn kèsh èkstra, bateria, flèshlait, un radio òf televishon ku ta traha ku bateria, bòter ku awa pa bebe (3 liter pa persona pa dia), papel di wc, bleki ku kuminda, kos di habri bleki, bela i remedi.
• Sòru pa bo telefòn ta kargá.

Sigui tur notisia i informashon di Entidat Públiko Boneiru.

• Sigui e wèpsait bonairecrisis.com
• Download e app spesial di Entidat Públiko Boneiru: Disasterprep Bonaire: https://play.google.com/store/apps/details?id=nl.ingrato.bonaire&hl=nl&gl=US
• Riba medionan sosial: https://www.facebook.com/EntidatPublikoBoneiru en https://www.instagram.com/EntidatPublikoBoneiru/
• Sigui e pronóstikonan di tempu via knmidc.org

Paga tinu: kuminsá algun dia adelantá ku preparashon i kumpramentu di kos.