Tourism Corporation Bonaire (TCB) & KvK Bonaire a lansa e Tourism Innovation Project (Proyekto di Inovashon pa Turismo)

Tourism Corporation Bonaire (TCB) a lansa e Tourism Innovation Project (Proyekto di Inovashon pa Turismo), un laso di kolaborashon entre TCB i Kámara di Komèrsio i Industria Boneiru (KvK) pa redifiní sektor turístiko di Boneiru. E proyekto tin komo meta pa deskubrí konseptonan inovativo ku lo transformá e eksperensianan di nos bishitantenan na nos isla. Intenshon di e Tourism Innovation Project ta pa re-imaginá, re-inventá i redefiní turismo na Boneiru. Ku un vishon oudas den mente e proyekto ta purba deskubrí konseptonan inovativo ku lo transformá e manera ku nos bishitantenan ta eksperensiá nos isla. Empleadonan aspirante, kompanianan establesé i personanan pashoná por inskribí nan mes.

Trintiocho empresario a registrá i na e Bonaire Tourism summit a selektá 11 otro empresario pa partisipá na e tayer di ‘Design Thinking’. E tayer akí lo duna e partisipantenan intrumentonan pa elaborá ideanan inovativo i usa esakinan den nan plannan. E promé tayer a tuma lugá dia 31 di òktober i e di dos tayer ta tuma lugá dia 7 di novèmber i e ta na enkargo di Miles Mercera (TCB) i Pierre Perigault Monte (KvK).

Dia 30 di novèmber ta kompletá e tayer ku un estilo ‘Shark Tank’. Un komishon di ekspertonan i profeshonalnan lokal lo evaluá kada proyekto i e potensial impakto di esaki. E ganadó final ta risibí un invershon konsiderabel di $ 10.000 pa duna bida na nan konsepto vishonario di turismo.