KvK Academy ta bai ranka sali!

KvK Academy ta ranka sali dia 27 i 29 di ougùstùs, tantu na papiamentu komo na hulandes, si tin sufisiente inskripshon.

E kuríkulo ta konsistí di e siguiente partinan:
1. Ken ta mi kliente
2. My Value Proposition
3. Merkadeo i komunikashon
4. CRM – Relashon ku kliente
5. Fluho di entrada
6. Key Resources
7. Pitch
8. Huntu nos ta fuerte
9. Finansiamentu
10. Impuesto
11. Plan di Negoshi

E suma pa inskripshon pa partisipashon na e kurso ta $ 106,- inkl. ABB. Pa esaki e partisipantenan ta haña e kurso kompleto, un enkuentro di introdukshon, un tarea final i un sertifikado despues ku e kurso finalisá. E kurso ta tuma lugá kada dos siman den oranan di anochi i tin ora riba djasabra den sala di kapasitashon di Kámara di Komèrsio na Kaya Amsterdam 23.

Inskribí awor!

Informashon KvK Academy:

Informashon KvK Academy Papiamentu:
– Introdukshon lo bai ta e anochi di 22 di ougùstùs próksimo (nos lo komunika e sitio despues)
– Módulo 1 lo kuminsá riba 27 di ougùstùs próksimo. Lokashon ta edifisio di KvK situa na Kaya Amsterdam 23
– Pa garantisa bo luga nos ta pidi bo pa kompletá e pago i manda un komprobante

Partisipashon: $106 inkl. 6% ABB.
Number di kuenta: MCB: 102.822.07
Referensia: Partisipashon di Akademia di Kámara di Komersio 2024

Meta di KvK Academy ta pa fortifiká empresariado na Boneiru i ku esaki duna un aporte na fortifikashon di ekonomia di Boneiru. E lema di KvK Academy ku ta para pa 3 E ta: Educating & Empowering Entrepreneurs – Edukando i Empoderando Empresarionan. Dosentenan wéspet di vários instituto na Boneiru i empleadonan di Kámara di Komèrsio lo rekapasitá e partisipantenan na e kurso pa loke ta trata abilidatnan esensial di empresario.

Pa mas informashon tokante KvK Academy bo por tuma kontakto ku bis@kvkbonaire.com (tel: 717 5595). Adrès di wèpsait: www.kvkbonaire.com