Kámara di Komersio Boneiru ta wak bèk riba Mishon di Komersio Colombia

Kámara di Komersio Boneiru a partisipá na e Mishon di komersio ‘Doing Business with Colombia’ ku e meta pa promové komersio entre Colombia i e islanan di BES. Esaki a tuma lugá na yüni 2024.

Kámara di Komersio Boneiru a promové e mishon komersial bou di empresarionan i, segun Holland House Colombia, e resultado tabata un rèkòrt di mas ku 30 partisipante ku a partisipá na e mishon komersial pa Colombia for di Islanan BES. E programa tabata konsistí di un programa di negoshi ku sesionnan plenario, diskushonnan di mesa rondo, ‘matchmaking’, etc.

Kámara di Komèrsio Boneiru ta gradisí tur partisipante, Holland House Colombia i ‘Kabinet van Speciaal Gezant’ pa e mishon komersial eksitoso aki.

Wak e video aki bou kaminda seis empresario di Boneiru ta papia tokante nan partisipashon den e mishon komersial i kiko esaki ta nifiká pa nan kompania.