E aktualisashon tokante e plannan di impuesto pa aña 2025 ku nan a presentá durante Prinsjesdag a hala hopi hende

Kámara di Komèrsio Boneiru den kolaborashon ku HBN Law & Tax a organisá algun seshon di informashon kaminda a informá empresarionan tokante e plannan relevante ku gobièrnu hulandes tin pa islanan BES (plannan di impuesto) i ku nan a anunsiá durante e asina yamá ‘Troonrede’ riba Prinsjesdag 2024.

E promé seshon riba djárason 25 di sèptèmber 2025 dentro di algun ora a keda kompletamente reservá, di manera ku nos a agregá un seshon èkstra riba djabièrnè 27 di sèptèmber. Nos a klousurá e promé seshon ku un momentu pa sosialisá, kaminda e empresarionan tabatin oportunidat pa ‘netwerk’ ku otro, disfrutando di algu di kome i algu di bebe.

Kámara di Komèrsio ta ekspresá su gratitut na e oradornan Jorik Julsing i Lucas Drissen di HBN Law & Tax pa nan kontribushon balioso. E salanan ku tabata yen durante e enkuentronan akí ta aksentuá e importansia pa sigui invertí den e ròl di Kámara di Komèrsio pa informá i duna konseho.