Seshon di informashon ‘Reklutashon efektivo i efisiente’

Bo ta pasa molèster pa haña e hendenan korekto pa bo empresa? Òf bo ke sa mas tokante kon bo por hinka e proseso di reklutashon mas efisiente posibel den otro? E ora ei bin partisipá na e seshon di informashon ‘Reklutashon efektivo i efisiente’, ku Kámara di Komèrsio ta organisá den kolaborashon ku Judith Brekelmans, Kònsùltent di Rekurso Humano i Treiner di ‘TEAM’.

Durante e mainta akí bo ta siña kon pa saka lo máksimo for di bo proseso di reklutashon. Nos ta papia entre otro tokante:

• E reklutashon nobo: Judith Brekelmans ta guia bo atraves di e último trèntnan i téknikanan pa hasi e proseso di reklutashon mas sabí i mas efektivo.
• Hasi uso di oportunidatnan lokal i internashonal: e oradó invitá Tosca Geneste lo tira lus riba e bentahanan i desbentahanan di reklutashon den eksterior i riba kiko partisipashon na bolsanan di empleo por nifiká pa bo empresa. Introdukshon di e mainta ta na enkargo di ‘Plenchi di Trabou’ i Servisio di Imigrashon i Naturalisashon (IND), i nan ta duna splikashon tokante nan formularionan, proseduranan i e preguntanan mas komun ku nan ta risibí for di empresarionan.

Pues, inskribí bo mes rápidamente via nos lenk di inskripshon pa bo ta sigurá di bo lugá: https://forms.gle/nFKaGfdmrFfqofHJ6