Kámara di Komèrsio i Industria Boneiru a tene un tayer di konsientisashon finansiero pa studiantenan di MBO durante Global Money Week

+

Den kuadro di Global Money Week – Siman Mundial di Sèn, Kámara di Komèrsio i Industria Boneiru riba djaweps 20 di mart a tene un tayer pa studiantenan di MBO. E klas MBO 2.2 (Atministrashon di Negoshi) a haña konosementu balioso durante e seshon ku e tema: “Pensa bon promé bo hasi algu, finansieramente mirá, pa mañan.”

Durante e tayer a konsientisá e studiantenan tokante importansia di planifikashon finansiero, eskohó sabí ora ta trata di sèn i e impakto ku nan desishonnan finansiero tin riba nan futuro. Pa medio di tareanan interaktivo i ehèmpelnan for di den práktika, nan a siña kon nan por anda mas mihó ku nan asuntunan finansiero, tantu privá komo den un konteksto komersial. A papia tambe tokante e servisionan di Kámara di Komèrsio i importansia di hasi negoshi legalmente.

E tayer ta forma parti di Global Money Week, un inisiativa mundial ku ta stimulá edukashon finansiero serka hóbennan. Kámara di Komèrsio ta kontribuí na esaki pa medio di kompartí konosementu i eksperensia for di práktika ku e empresarionan di mañan.

Pa sa mas tokante kiko Kámara di Komèrsio ta hasi, bo por bishitá e wèpsait: https://bonairechamber.com/ òf manda un email na bis@kvkbonaire.com òf yama 717 5595.

Pasa personalmente tambe ta posibel na Kaya Amsterdam 23.