Invitashon pa ‘Day Zero: Connect’ – Un evento di e komunidat sibernétiko

Hasi negoshi den forma digital ta brinda hopi oportunidat, pero ta bini ku sierto riesgonan tambe. Bo ta un empresario i bo ke sa kon bo por bira mas resiliente kontra kriminalidat digital i atakenan sibernétiko? Òf bo tin gana di sa kua ta e lasonan di kolaborashon ku ta okupá nan mes ku resiliensia digital? E ora ei gustosamente nos ta invitá bo pa un evento inspirativo di e Sentro Nashonal pa Siguridat Sibernétiko (Nationaal Cyber Security Centrum – NCSC). E evento ta spesialmente pa empresarionan i profeshonalnan ku ke hasi nan organisashon digitalmente (mas) resiliente.

Durante e enkuentro akí algun eksperto ta kompartí konosementu aktual tokante siguridat sibernétiko i nan ta dediká atenshon mas profundo na kolaborashon i na edifikashon di un ret di siguridat sibernétiko. Un otro tópiko ku tambe ta bini dilanti ta: atvertensia i notifikashon relashoná ku atake sibernétiko. Banda di esaki tin hopi oportunidat pa interkambiá di konosementu i eksperensia ku otro empresarionan i profeshonalnan.

📍 Sitio: Plaza Resort Bonaire
📅 Fecha: 28 di òktober 2026
🕒 Ora: 16:00 or te  21:00 or

Sea ku bo ta un empresario ku ta kuminsando, òf bo ta representá un organisashon establesé, e enkuentro akí ta brinda un posibilidat pa atkerí kontaktonan nobo i deskubrí vários posibilidat di kolaborashon.

Partisipashon ta grátis. Registrá via: bqcybercon.com

Huntu nos ta edifiká nos siguridat digital i un Boneiru resiliente. Nos ta spera di topa bo dia 28 di òktober!