Invitashon “From Island Roots to Global Routes” Oportunidat pa kresementu internashonal!
Bo ta empresario den Produkshon, Agrikultura i Kuminda, Hospitalidat, ICT i Teknologia òf Ekonomia Oral manera industria kreativo, moda, farándula i medionan di komunikashon? Òf bo ta aktivo komo kònsùltent, akountent, konsehero finansiero, profeshonal di merkadeo òf un otro tipo di servisio komersial? ‘From Island Roots to Global Routes’ ta hiba empresarionan for di Boneiru pa Miami pa un mishon komersial úniko i un eksposishon di negoshi.
Fecha: djamars 8 di sèptèmber 2026
Ora: 11:00 – 12:00
Sitio: Kámara di Komèrsio Boneiru, Kaya Amsterdam 23
Inskribí pa e seshon di informashon: Invitashon “From Island Roots to Global Routes” Oportunidat pa kresementu internashonal! – Yena e formulario
- Akseso direkto na merkado merikano i hopi posibilidat pa komèrsio i invershon internashonal.
- Sosten ku registrashon di empresa i lantamentu di un empresa na Merka.
- Akseso na finansiamentu internashonal, invershonista, posibilidat di eksportashon i organisashonnan di sosten komersial.
- Posibilidat di ‘Business matchmaking’ i ‘B2B networking’ ku invershonistanan, distribuidornan, potensial partnernan komersial i lidernan riba merkado.
- Guia eksperto riba tereno di problemátika komersial hurídiko, finansiero, fiskal i internashonal.
- Informashon tokante imigrashon, visa komersial i strategianan pa ampliashon na Merka.
- Posibilidat pa establesimentu di ‘partnership’ stratégiko, kolaborashon regional, kanal di distribushon i solushon pa transporte.
- Konosementu di Foreign Trade Zones (FTZ’s) i posibilidatnan logístiko internashonal.
- Akseso na servisionan bankario merikano i solushonnan finansiero relevante pa hasi negoshi riba nivel internashonal.
- Oumento di visibilidat internashonal di produktonan, servisionan i empresanan karibense.
- Konosementu i strategianan práktiko riba tereno di merkadeo, benta, desaroyo di empresa i oumento di eskala, di manera ku empresanan por diversifiká i bira mas kompetitivo riba nivel internashonal.
Topa ku potensial kumpradónan, distribuidornan i partnernan internashonal, fortifiká bo ‘pitch’ pa merkado merikano i deskubrí kon bo por posishoná bo produktonan òf servisionan internashonalmente.
E mishon akí ta bai mas leu ku solamente ‘networking’: e partisipantenan ta haña guia na momentu di lantamentu di un empresa na Florida, hasi petishon di un EIN, habri un kuenta di banko komersial merikano i haña akseso na ekspertisio relashoná ku entre otro regulashon di FDA, impuesto, visa i posibilidat di finansiamentu.
Un oportunidat konkreto pa pone e paso for di un merkado insular chikitu pa merkado merikano i merkado internashonal. Bo ta kla pa laga bo empresa deskubrí rutanan nobo? From Island Roots to Global Routes!
Inskribí pa e seshon di informashon: Invitashon “From Island Roots to Global Routes” Oportunidat pa kresementu internashonal! – Yena e formulario