Seshon di informashon: ‘Update’ Prinsjesdag 2026

Prinsjesdag ta un momento importante anual na Hulanda, kaminda gobièrnu hulandes ta presentá su plannan pa e aña benidero. Rei ta lesa e Troonrede, ku ta kontené e plannan di gobièrnu hulandes pa e próksimo aña. Nan ta presentá tambe e Presupuesto di Reino i e Miljoenennota, un nota tokante situashon finansiero di Reino. Aparte di pa Hulanda Oropeo, e plannan presentá durante Prinsjesdag por trese kambionan importante tambe pa Hulanda Karibense: Boneiru, Sint Eustatius i Saba.

Entretanto, a bira un tradishon anual di Kámara di Komèrsio Boneiru pa pone empresarionan na altura di e kambionan fiskal di mas importante pa e islanan BES despues di Prinsjesdag. E aña akí tambe nos ta organisá e seshon di informashon den kolaborashon ku HBN Law & Tax Bonaire.

Fecha: djarason 16 di sèptèmber 2026

Durante e Prinsjesdag Update 2026, nos lo trata mas profundamente e kambionan i desaroyonan di mas importante ku a ser anunsiá i ku ta relevante pa empresarionan na Boneiru, Sint Eustatius i Saba. Nos ekspertonan lo trata, entre otro, kambionan fiskal, legislashon nobo i otro puntonan di atenshon ku por tin konsekuensia pa bo empresa.

Despues di e éksito di e edishonnan anterior, e aña akí tambe nos lo sera e seshon di informashon ku un agradabel momento di networking. Esaki ta un bunita oportunidat pa, bou di goso di un hapje i un bebida, sigui kòmbersá, interkambiá pregunta i idea, sera konosí i hasi trabou di ret ku otro empresarionan i profeshonalnan.

Programa
17:30 – 18:30 | Prinsjesdag Update 2026
18:30 – 20:00 | Networking i momento pa interkambiá idea

E registrashonnan ta bai lihé! Bo ke ta sigur di bo lugá? No warda muchu largu i inskribí bo mes mas lihé posibel via nos lenk di registrashon: https://forms.cloud.microsoft/e/5rw3zbfYky

Nos ta spera di mira bo 16 di sèptèmber!