Seshon di informashon | Finansiamentu di Union Oropeo pa siguridat sibernétiko ta algu pa bo?

Bo ke haña finansiamentu pa bo ambishonnan relashoná ku siguridat sibernétiko? Nan a desaroyá e seshon akí spesialmente pa organisashonnan den e partinan karibense di Reino Hulandes.

Sitio: KvK Building, Kaya Amsterdam 23
Fecha: Djaluna 2 di novèmber 2026
Ora: 16:00 or te  17:00 or

Registrá: https://forms.cloud.microsoft/e/8HVewaHCEw

Bo ta buskando posibilidatnan di finansiamentu pa bo proyekto di siguridat sibernétiko, pero bo no sa masha bon na unda bo tin ku kuminsá? Partisipá na nos seshon tokante finansiamentu i supsidio di Union Oropeo. E seshon akí ta brinda organisashonnan den e partinan karibense di Reino un introdukshon klarito i práktiko na e oportunidatnan ku e programanan oropeo di finansiamentu ta ofresé.

Finansiamentu di Union Oropeo por parse kompleho i konfuso, prinsipalmente ora bo a kaba di kuminsá. Durante e seshon akí NCC-NL (Nederlands Cybersecurity Coördinatiecentrum – Sentro di Koordinashon Hulandes pa Siguridat Sibernétiko) ta yuda bo komprendé e prinsipionan básiko di finansiamentu di Union Oropeo, identifiká e oportunidatnan i determiná si hasi petishon pa un supsidio di Union Oropeo ta kuadra ku bo organisashon – awor akí òf den un fase mas lat.

Loke bo ta siña

• Haña un bista di e oportunidatnan: Siña mas tokante e ‘Digital Europe Programme’ i ‘Horizon Europe’, i tokante kon e programanan akí por sostené bo ambishonnan pa siguridat sibernétiko.
• Haña un bista di e proseso di finansiamentu: Haña un bista general klarito di e proseso relashoná ku finansiamentu di Union Oropeo pa siguridat sibernétiko, di kon pa haña un ‘call’ adekuá i kon pa kontrolá e kapasidat pa prepará i entregá un petishon.
• Evaluá bo chènsnan: Siña tokante hèrmèntnan práktiko i kriterionan importante pa determiná si bo organisashon i bo proyekto ta bini na remarke, i kon bo ta formulá un proposishon na un manera fuerte.
• Sosten di parti di NCC-NL: Deskubrí kon NCC-NL por guia bo na kaminda pa finansiamentu oropeo pa siguridat sibernétiko.

Sea ku bo no tin eksperensia ainda ku finansiamentu di Union Oropeo, òf ya kaba aktivamente bo ta buskando posibilidatnan: e seshon akí ta ofresé e base ku bo tin mester pa pone e siguiente paso.

Registrá: https://forms.cloud.microsoft/e/8HVewaHCEw

Informashon adishonal tokante NCC-NL i Nina Huijberts

Nina Huijberts ta konsehero na NCC-NL (Nederlands Cybersecurity Coördinatiecentrum – Sentro di Koordinashon Hulandes pa Siguridat Sibernétiko). E sentro akí ta promové interkambio di konosementu, kolaborashon i inovashon riba tereno di siguridat sibernétiko na Hulanda i Oropa. E ta hunga un ròl klave na momentu di konektá organisashonnan hulandes ku inisiativanan oropeo di siguridat sibernétiko, di manera ku nan ta haña akseso na finansiamentu i por edifiká kolaborashonnan internashonal. Den Oropa NCC-NL ta traha huntu ku European Cybersecurity Competence Centre (ECCC) i un ret di 29 sentro di kordinashon nashonal (NCC’s) ku ta kubri henter Union Oropeo.