E Programa Sibernétiko Karibense a ranka sali! Kua ta e webinarnan ku bo ta bai sigui?

Tres tópiko aktual, tres webinar nobo i un solo pregunta sentral: kon nos ta hasi nos gobièrnu digitalmente mas resiliente?

Kiko e desaroyonan geopolítiko ta nifiká pa nos dependensianan digital? Kon partidonan públiko i privá ta traha huntu mas mihó den Reino? I kiko bo ta hasi ora realmente nan a ‘hack’ bo organisashon?

Den e simannan binidero e Programa Sibernétiko Karibense ta organisá tres webinar, kaminda nos ta deliberá ku ekspertonan i profeshonalnan for di pràktika tokante e preguntanan akí.

Soberania digital i geopolítika: grep riba dependensia digital
Djamars 17 di novèmber 15:00 – 16:00 NL / 10:00 – 11:00 UTC-4

Huntu digitalmente resiliente: traha huntu den Reino
Djamars 24 di novèmber 16:00 – 17:00 NL / 11:00 – 12:00 UTC-4

Ousilio! Nan a ‘hack’ mi organisashon. Kiko awor?
Djabièrnè 11 di desèmber 14:00 – 15:00 NL / 09:00 – 10:00 UTC-4

Registrashon: https://www.weerbaredigitaleoverheid-caribisch.nl/car-nl

Partisipá i kompartí ku bo koleganan

Resiliensia sibernétiko no ta rekerí solamente konosementu tékniko, pero tambe bon kolaborashon i eskohonan klarito. Sea ku bo ta traha den maneho, den gobièrnu, den siguridat òf den maneho di krísis: e webinarnan akí ta yuda bo pa komprendé riesgonan mas mihó i pa prepará bo organisashon.

Registrá pa un òf mas webinar i kompartí e invitashon akí ku bo koleganan den bo organisashon òf den bo ret. Bo a pèrdè un webinar anterior? Wak tambe nos ‘replay’ webinarnan tokante entre otro ransomware, dominio di riesgo sibernétiko i privasidat & siguridat.

Registrá: https://www.weerbaredigitaleoverheid-caribisch.nl/car-nl

Hasi ehersisio huntu na Boneiru

Durante e .BQ Cyber Convention resien na Boneiru, e Programa Sibernétiko pa Henter Gobièrnu a organisá un ehersisio di krísis sibernétiko. Partisipantenan di diferente isla i organisashon a hasi ehersisio ku un insidente sibernétiko fiktisio, ku a afektá entre otro logístika i konekshonnan digital. Un lès importante: durante un krísis sibernétiko, niun hende no tin direktamente e imágen korekto. Netamente pa e motibu akí ròlnan klarito, bon interkambio di informashon i kolaborashon entre e islanan i organisashonnan ta asina importante.

Bo mes ke hasi ehersisio ku un krísis sibernétiko den bo propio organisashon? E senario di ehersisio ta disponibel pa organisashonnan ku ke hasi ehersisio ku nan propio aserkamentu di riesgo sibernétiko. Wak i download e senario di ehersisio.

Huntu nos ta edifiká resiliensia sibernétiko – na Hulanda i den e parti karibense di Reino.