Invitashon seshonnan di Mesa Rondó di Klima 6 i 13 di mei 2025

Señor, señora apresiá

Riba 13 di mart último, nos a kuminsá e diskushonnan di mesa rondó di klima ku un grupo di stakeholder (e asina yamá Grupo A). Nos a konkluí e diskushonnan akí riba dia 17 di aprel último. Ku entusiasmo nos ta sigui ku e proseso ku e organisashonnan mas chikitu (e asina yamá Grupo B).

E presidente di Mesa Rondó di Klima Boneiru den koperashon ku Kámara di Komersio gustosamente ta invitá bo na e siguiente seshonnan riba 6 i 13 di mei binidero.

Durante e enkuentronan akí nos ke reflekshoná huntu ku bo persona riba e input ku a kolekshoná te ku awor. Ademas, nos lo bai eksplorá unda tin mas punto di atenshon adishonal i kon bo organisashon por kontribuí na atendé ku kambio di klima na Boneiru. Nos lo reflehá riba e impakto di kambio di klima i lo enfatisá e nesesidat pa komo komunidat bai tuma akshon. Awor ta e momento pa tuma akshon i pone man na obra. Den e seshonnan akí nos lo traha riba e seis dominionan di e Mesa Rondó di Klima di Boneiru. Bo presensia i partisipashon aktivo ta di gran importansia. Mirando bo ròl denter di komunidat i e kontribushon balioso ku bo por duna, nos ta konta ku bo envolvimentu.

Fecha i tema di e diskushonnan di e mesa rondó di klima:

• 6 di mei: Dominio Awa | Dominio Naturalesa & Medio Ambiente | Dominio Kuminda
• 13 di mei: Dominio Infrastruktura & Energia | Dominio Bibienda & Trabou | Dominio Hende & Kultura

Orario: 18.00 – 20.00 or
Sitio: Jong Bonaire
Atenshon: Nos ta start eksaktamente 18.00 or, pues nos ta supliká bo kariñosamente pa yega na tempu.

Download Resúmen dominio i tema

Pa garantisá un proseso strukturá i efektivo, lo tin lider di diskushon i notulista presente. Di e manera akí, ta registrá tur input kuidadosamente i ta inkluí nan den e proseso di kontinuashon pa realisá e Plan di Klima pa Boneiru. Por fabor konfirmá bo partisipashon (òf esun di bo remplasante) mas pronto posibel serka nos sekretaria di proyekto Ivy Adriaens-Lo Tam Soen na info@klimaattafel-bonaire.com. E ta disponibel tambe pa pregunta òf informashon adishonal.

Nos ta spera di yama bo bon biní na ámbos seshon i di traha huntu na un Boneiru resiliente pa klima.

Kordial saludo,
Reynolds ‘Nolly’ Oleana
Presidente di Mesa di Klima di Boneiru