Djòin e mishon komersial pa Panama for di 12 te ku 14 di Febrüari 2025

Empresarionan, atenshon!
Deskubrí, konektá i krese! Hasi uso di e oportunidat pa ekspandé bo empresa durante e emoshonante mishon komersial ‘Dutch Caribbean Meets Panama’. E evento akí, ku Embahada di Reino Hulandes na Panama i Holland House Panama ta organisá, ta un ‘must’ pa empresanan na Aruba, Kòrsou, Sint Maarten, Boneiru, Sint Eustatius i Saba. Bo ke sa mas https://www.hollandhousepanama.com/dutch-caribbean-trade-mission

Inskribí pa e mishon akí, yena e formulario akí bou: https://docs.google.com/forms/d/e/1FAIpQLSd1cOGYyNQgGSUogvTn-yZYm6yTR27RHsYuAYn-S5LiYW95Jw/viewform  

Dikon partisipá?
Panama, un punto di konekshon regional ku ta kresiendo rápidamente, ta ofresé oportunidatnan úniko pa empresanan den henter área karibense. Panama ta konektá pa medio di aviashon i via laman i e ta e punto sentral di transbordo mas grandi den Amérika Latino. Ku un gobièrnu nobo ku ta enfoká riba un kresementu ekonómiko di 7%, invershonnan amplio for di eksterior i proyektonan inovador di infrastruktura, awor ta e momentu pa tuma akshon! Sektornan importante ta entre otro:

• Importashon i Eksportashon: hasi uso di Panama su státùs komo sentro di transbordo mas importante di Amérika Latino.
• Servisio finansiero: drenta den un merkado kresiente ku gustosamente ta buskando invershonnan i solushonnan nobo.
• Digitalisashon: forma parti di e transformashon teknológiko i e ola di inovashon na Panama òf hasi uso di esaki pa laga bo propio empresa krese.
• Marítimo i logístiko: Maksimalisá e bentahanan stratégiko di Kanal di Panama i e mihó hafnan.
• Turismo: djòin Panama su aspirashon pa yega na turismo sostenibel ku ta enfoká riba tantu biaheronan ku ta biaha rònt mundu komo riba eksploradónan lokal i bin buska òf trese bo propio ekspertisio i eksperensia.
• Empresa chikitu: For di komèrsio minorista te dunamentu di servisio: tin oportunidatnan infinito pa tienda chikitu i mediano pa floresé, i probechá di e ekonomia kresiente di Panama.

Gastunan di e mishon komersial:
Ban Panama ku nos for di 12 te 14 di febrüari 2025! Empresanan ku registrá promé ku 1 di yanüari 2025, por probechá di un tarifa estilo ‘early bird’ di $ 750 pa empresa. Despues di e fecha akí e preis pa partisipashon ta oumentá na $ 850 pa empresa. E tarifa ta kubri partisipashon di dos representante pa kada empresa. Gabinete di Enviado Spesial lo ‘redusí’ e gastunan akí, dependiente di e kantidat di partisipante.

Gastunan èkstra: Partisipantenan tin ku paga nan gastunan di biahe, akomodashon, kuminda i transporte na tera.

Programa: 

• Direct Business Matchmaking: Danki na e ret amplio di Holland House Panama, bo por bini den kontakto ku e stakeholdernan mas importante i potensial klientenan pa medio di seshonnan di ‘B2B-matchmaking’ trahá na midí. Enkuentronan personalisá ku partnernan relevante ta keda organisá pa bo na Panama.
• Enkuentro di ret ku algu di bebe i sena: E tim organisadó lo organisá eventonan di ret pa fortifiká e relashon entre partisipantenan i organisashonnan lokal.
• Bishita na sitionan importante, topa ku ProPanama, Panama su Innovation Authority i hopi otro stakeholder.

No pèrdè e oportunidat akí pa eksplorá rutanan nobo pa kresementu i kolaborashon! Pa registrá pa e mishon akí bo tin ku yena e formulario akí bou promé ku 15 di yanüari 2025: https://docs.google.com/forms/d/e/1FAIpQLSd1cOGYyNQgGSUogvTn-yZYm6yTR27RHsYuAYn-S5LiYW95Jw/viewform

Pa mas informashon i registrashon bo por tuma kontakto ku:  

Hollandhuis Panama
Carlijne Blom
director@hollandhousepanama.com òf embahada via pan-ea@minbuza.nl

Kámara di Komèrsio i Industria Boneiru
John Bijkerk
jbijkerk@kvkbonaire.com 

Kámara di Komèrsio i Industria di Sint Eustatius i Saba
Ebelene (Ebbie) Schmidt Hinds, presidente di direktiva di Kámara di Komèrsio i Industria di Sint Eustatius i Saba
statia@statiasabachamber.com

Kámara di Komèrsio i Industria di Sint Eustatius i Saba
Gisela Lara, Director Kámara di Komèrsio i Industria di Sint Eustatius i Saba
director@statiasabachamber.com 

Gabinete di Enviado Spesial
speciaalenvoy@rijksdienstCN.com