Join the webinar Mishon komersial Panama 12 di desèmber pa 14:00 or

Bo ta interesá den eksplorashon di e posibilidatnan na Panama i siña mas tokante e próksimo mishon komersial Dutch Caribbean Meets Panama? Registrá bo mes awor pa e webinar dia 12 di desèmber pa 14:00 or.

Bo tabata sa ku Panama, Boneiru, Sint Eustatius i Saba ta ofresé bunita posibilidat pa kolaborashon? E konekshon entre Panama i Reino Hulandes no ta solamente geográfiko, pero ekonómiko tambe. Komo bisiña direkto den àrea karibense, konektá pa tantu rutanan marítimo komo rutanan aéreo, e posibilidatnan pa kolaborashon mutuo ta enorme.

Deskubrí e oportunidatnan pa bo empresa na Panama, un di e ekonomianan ku ta kresiendo mas rápido den nos region. Komo un sentro di konekshon importante, Panama ta stratégikamente konektá via Tocumen Airport, Kanal di Panama, e hafnan na tantu kosta atlántiko komo pasífiko, i un terminal pa barku krusero ku resientemente a habri. Komo e sentro di konekshon pa transbordo mas grandi di Amérika Latino, Panama ta ofresé posibilidatnan konsiderabel pa eksportashon i importashon di merkansia for di i pa e área karibense.

Den e webinar binidero nos ta ofresé un bista den hasimentu di negoshi na Panama, kompartí ‘best practices’, deliberá tokante e próksimo proyektonan i oportunidatnan i nos ta duna bo tur detaye tokante e mishon komersial Dutch Caribbean Meets Panama, ku ta tuma lugá for di 12 te ku 14 di febrüari 2025.

Registrá bo mes pa e webinar di djaweps 12 di desèmber pa 14:00 or zona di tempu karibense.