Join the webinar Mishon komersial Panama di sèptèmber pa 13:00 or

Bo tabata sa ku Panama, Boneiru, Sint Eustatius i Saba tin vários oportunidat interesante pa traha huntu?

E laso entre Panama i Reino Hulandes ta mas ku evidente, e no ta solamente geográfiko pero tambe ekonómiko. Komo bisiña direkto den Karibe, ku konekshon via laman i rutanan aéreo, e potensial pa kolaborashon ta signifikante.

Diskubrí e oportunidatnan akí pa bo kompania den un di e ekonomianan ku ta krese mas rápidamente den e region akí. Panama ta un punto di konekshon regional, ku konekshon via e aeropuerto di Tocumen, Kanal di Panama, e hafnan di tantu Osean Atlántiko komo Osean Pasífiko i un terminal nobo nobo di barku krusero. Komo e sentro di transbordo di mas grandi di Latinoamérika, Panama ta ofresé oportunidatnan signifikante pa eksportá i importá merkansia pa Hulanda Karibense.

Den e webinar akí nos ta ofresé mas konosementu, nos ta kompartí ‘best practices’ tokante hasimentu di negoshi na Panama, nos ta papia tokante e proyektonan i oportunidatnan ku ta na kaminda i nos ta konta bo mas tokante e próksimo mishon komersial for di nos islanan pa Panama!

Djòin nos riba djaweps 26 di sèptèmber pa 13:00 or zona di tempu karibense, pa medio di registrá via:
https://events.teams.microsoft.com/event/bf4f4b2a-2091-4534-908c-eaeca1f10764@fdea6edd-997d-4a89-98ef-fde30d4ac546

Bo por sigui e webinar ‘live’ tambe na Kámara di Komèrsio na Kaya Amsterdam 23, 13:00 – 14:00. RSVP bis@kvkbonaire.com