Krea kresementu a traves di fushon i atkisishon stratégiko

Djárason 15 di yüli 2026 | 15:00 – 17:00 | KdK Bonaire, Kaya Amsterdam 23 | Oradó: Evert Bleijenberg MBA | Idioma: hulandes/ ingles

Bo ke sa kiko pa hasi si bo ke bende bo kompania? Òf bo ke sa eksaktamente kon pa laga bo negoshi krese mas lihé dor di atkerí otro kompania? Durante e seshon informativo i yen di inspirashon akí, lo bo deskubrí kon Fushon i Atkisishon ( ‘Mergers & Acquisitions’ M&A) por kontribuí na kresementu duradero, subi merkadonan nobo, i fortalesé bo posishon kompetitivo. Sea ku bo ta un empresario, un invershonista òf un direktor, lo bo haña puntonan di informashon balioso ku ta aplikabel direktamente.

Registrá bo mes na: https://forms.cloud.microsoft/e/eNsjhM0Y4r

Kontenido:

• Ki ora un fushon òf atkisishon ta e strategia di kresementu korekto
• E faktornan klave di éksito promé ku, durante i despues di un atkisishon.
• Ehèmpelnan práktiko i lèsnan siñá for di e merkado
• Kon pa identifiká i evaluá e kandidatonan korekto pa atkisishon
• Tepnan konkreto pa krea balor i logra kresementu duradero.

Registrá na: https://forms.cloud.microsoft/e/eNsjhM0Y4r

Basá riba ehèmpelnan práktiko i e eksperensia di e eksperto akí, lo bo haña un bista kla di henter e proseso di M&A: for di identifiká oportunidatnan i selektá e kandidato korekto te na integrashon eksitoso despues di e atkisishon.

Lo bo regresá kas ku hèrmèntnan konkreto, bista stratégiko, i un mihó komprondementu di e faktornan ku ta hasi e diferensia entre un akuerdo eksitoso i unu ménos eksitoso.

Tokante ‘Executive Consultancy’ di – Evert Bleijenberg MBA

Evert a traha durante mas o ménos 20 aña den séniòr gerensia, pa kompanianan internashonal di telekomunikashon i IT manera Philips Data Systems, Space Systems Loral, Intelsat i KPN. E ta un di e personanan ku a hunga un ròl klave den konstrukshon di internèt. Na 1998, el a funda e empresa di konsulta pa strategia Executive Consultancy, pa medio di kua e ta sigui sostené hopi empresario i organisashon riba tereno di strategia empresarial te ku dia di awe.

Na 2001, Evert a disidí di sigui su pashon banda di su aktividatnan di maneho. El a bira un kamarógrafo profeshonal bou di awa. Durante un di su biahenan di filma  pelíkula, el a (re)deskubrí e fenómeno di sistemanan natural, ku ta regulá nan mes outomátikamente: trupa òf mancha di bestia desorganisá. I kasi mesora, el a komprondé e benefisionan ku e komportashon akí por a ofresé na organisashonnan humano. Na 2020, el a publiká su buki ‘SWARM Organisation’, den kua el ta deskribí dikon nos modelonan organisatorio aktual no por funshoná mas i kon e Modelo di Organisá ‘SWARM’ ta ofresé un solushon pa esaki.

Evert ta biba na Boneiru. E tin un Master den Atministrashon di Negoshi di Universidat di Groningen, INSEAD, i Universidat di Wharton Pennsylvania. Su bida profeshonal ta drai rònt di strategia, organisashon, teknologia, inovashon i sostenibilidat . E ta un dosente invitá na Nyenrode Business University i PW Academy i ta un oradó regular na eventonan di negoshi.