Nov 20
Eventonan

Presentashon i Tayer – E revolushon digital: e impakto di Inteligensia Artifisial (AI) i teknologia riba (bo) strategia empresarial i liderazgo

27 di novèmber 2025 | 10:00 – 12:00 | KdK Boneiru, Kaya Amsterdam 23 | Orador: Evert Bleijenberg MBA | Idioma: hulandes / ingles | Maksimalmente 25 persona

Durante e seshon akí di Kámara di Komèrsio Boneiru i Executive Strategy Consultancy, kondusí pa Evert Bleijenberg, e ta hiba e partisipantenan den e transishon di komunidat industrial pa komunidat digital. Kaminda ekonomia den siglo 20 tabata impulsá pa materia prima i nan aplikashon industrial, den siglo 21 tur kos ta drai rònt di digitalisashon i dato. Teknologianan fundamental nobo manera Big Data, “Internet of Things”, Virtual Reality i naturalmente Artificial Intelligence ta forma e base pa e ‘ola digital’ akí.

Registrá: https://forms.office.com/e/GiWYypgLGj

Kontenido: E impakto di Inteligensia Artifisial (AI) i Teknologia riba bo organisashon

  • “Digital Wave”: tokante Big Data, Internet of Things i Virtual Reality
  • Pa kua motibu bo empresa ta eksistí de fakto, kiko ta su derecho di eksistensia?
  • “Artificial Wave”: kòmpiuter ku Inteligensia Humano.
  • Kiko e desaroyo akí ta nifiká pa nos komunidat i pa bo empresa?
  • Desaroyo di strategia: Pensa stratégikamente ku e modelo di “envisioning”.
  • Tayer: Un hèrmènt pa haña direkshon i kresementu teknológiko.
  • Modelonan empresarial resiliente pa futuro: kua ta bira e empresanan di futuro?

Kon e sistema di traha ta kambia pa bo organisashon debí na e desaroyo di artificial wave: inteligensia artifisial, machine learning, robótika i sistemanan outónomo? Siña ku diferente tep i ‘tricks & tools’ kon bo organisashon por hasi uso di e kresementu eksponensial akí den su bentaha pa medio di pensa adelantá stratégikamente i apliká kreatividat determinadamente, pa di e manera akí krea modelonan empresarial ku ta resiliente pa futuro.

Registrá: https://forms.office.com/e/GiWYypgLGj

Tokante Executive Consultancy – Evert Bleijenberg:

Evert a traha mas òf menos 20 aña den senior management di kompanianan internashonal di Telecom i IT, manera Philips Data Systems, Space Systems Loral, Intelsat i KPN. E ta un di e hendenan ku a para na kuna di konstrukshon di internèt. Na aña 1998 el a kuminsá ku su propio empresa di consultancy di strategia, ku kua el a duna sosten na vários organisashon.

Na aña 2001 Evert a disidí pa terminá su aktividatnan di management i sigui su pashon. El a bira kamarógrafo profeshonal di bou di awa. Durante un di su biahenan pa traha pelíkula, el a (re)deskubrí e fenómeno di sistemanan natural ku ta organisá nan mes: un grupo grandi di para ku ta move manera un solo totalidat. I kasi inmediatamente el a komprondé e bentaha ku e komportashon akí por brinda pa organisashonnan humano. Na aña 2020 el a publiká e buki ‘SWARM Organisation’, den kua e ta deskribí dikon nos modelonan aktual di organisashon no por funshoná mas i kon e modelo di SWARM Organisation ta ofresé un solushon pa esaki.

Evert ta biba na Boneiru. E tin un Master den Business Administration di Rijksuniversiteit Groningen, INSEAD i Wharton University of Pennsylvania. Su bida profeshonal ta drai rònt di organisashon, teknologia, inovashon i sostenibilidat. E ta dosente wéspet na Nyenrode Business Universiteit i PW Academy, i regularmente e ta orador na eventonan di negoshi.