Servisio di Impuesto Hulanda Karibense

Bo ta buskando kontesta riba pregunta tokante impuesto, inspekshon di labor, asuntunan di labor en general òf kasonan ku tin di haber ku Servisio di Imigrashon i Naturalisashon – IND? E ora ei mart i aprel ta E lunanan pa haña e kontestanan aki! Den e lunanan ei Kámara di Komèrsio (KvK) den estrecho koperashon ku Servisio di Impuesto Hulanda Karibense, Inspekshon di labor, Asuntunan di labor i IND ta organisá diferente seshon di informashon ku ta trata asuntunan práktiko ku kua empresarionan na Boneiru kontinuamente ta haña nan mes enbolbí kuné.        

E seshonnan di informashon ta na hulandes i papiamentu den sala di konferensia di KvK na Kaya Amsterdam 23.

Bo ke tuma parti? Inskribí bo mes rápido mandando un imeil na: bis@kvkbonaire.com (por fabor, menshoná kua ta e dia / dianan ku bo ke bini). E kantidat di lugá disponibel ta limitá, pues no tarda muchu pa registrá.