Seshon di informashon | ‘Create Value through Financial Management – Krea Balor atraves di Maneho Finansiero’

Djárason 15 di april 2026 | 15:00 – 17:00 | KdK Boneiru, Kaya Amsterdam 23 | Orador: Evert Bleijenberg MBA | Idioma: ingles 

Durante e seshon akí di Kámara di Komèrsio Boneiru i Executive Strategy Consultancy, bou di direkshon di Evert Bleijenberg, e partisipantenan ta haña guia pa wak sèn, balor i kresementu na un manera diferente.

Durante e seshon inspirativo akí bo ta deskubrí di ki manera ku maneho finansiero inteligente bo no ta solamente hasi mas ganashi, pero prinsipalmente kon bo ta krea balor berdadero den un mundu ku ta kambiando rápidamente.

Haña konosementu inovativo tokante strategia di preis, struktura di gastu i forsa di persepshon, i siña dikon sèn no ta kore bai den direkshon di trabou duru, pero den direkshon di balor. Sea ku bo ta empresario, mènedjer òf profeshonal, esaki ta bo oportunidat pa optené hèrmèntnan práktiko i ideanan nobo ku bo por apliká mesora. No pèrdè esaki i pone e siguiente paso den bo kresementu.

Registrá: https://forms.cloud.microsoft/e/SqU5gMRXFB

Kontenido:

• Kiko ta pasando den mundu i DIKON esaki ta importante pa bo empresa?
• Kiko ta maneho finansiero, kiko sèn ta de fakto i kiko ta balor?
• Finansa komo ‘toolkit’ (kaha di hèrmènt) pa bo empresa (tokante Sunk Cost, Contribution Margin, The Cost of Time i Profitable Markets)
• Kon bo por traha Mas SÈN?
• Inteligensia artifisial (AI) por yuda?
• Tayer: Kon ta bayendo ku bo empresa?

Registrá: https://forms.cloud.microsoft/e/SqU5gMRXFB

Tokante Executive Consultancy – Evert Bleijenberg:

Evert a traha mas òf menos 20 aña den senior management di kompanianan internashonal di Telecom i IT, manera Philips Data Systems, Space Systems Loral, Intelsat i KPN. E ta un di e hendenan ku a para na kuna di konstrukshon di internèt. Na aña 1998 el a kuminsá ku su propio empresa di consultancy di strategia, ku kua el a duna sosten na vários organisashon.

Na aña 2001 Evert a disidí pa terminá su aktividatnan di management i sigui su pashon. El a bira kamarógrafo profeshonal di bou di awa. Durante un di su biahenan pa traha pelíkula, el a (re)deskubrí e fenómeno di sistemanan natural ku ta organisá nan mes: un grupo grandi di para ku ta move manera un solo totalidat. I kasi inmediatamente el a komprondé e bentaha ku e komportashon akí por brinda pa organisashonnan humano. Na aña 2020 el a publiká e buki ‘SWARM Organisation’, den kua e ta deskribí dikon nos modelonan aktual di organisashon no por funshoná mas i kon e Modelo di Organisashon SWARM ta ofresé un solushon pa esaki.

Evert ta biba na Boneiru. E tin un Master den Business Administration di Rijksuniversiteit Groningen, INSEAD i Wharton University of Pennsylvania. Su bida profeshonal ta drai rònt di organisashon, teknologia, inovashon i sostenibilidat. E ta dosente wéspet na Nyenrode Business Universiteit i PW Academy, i regularmente e ta orador na eventonan di negoshi.