Seshon di informashon: Hasi negoshi digitalmente na un manera seif – di riesgo pa oportunidat
19 di novèmber 2025 | 10:00 – 11:00 | Kámara di Komèrsio Boneiru, Kaya Amsterdam 23 | Orador Frank de Pont | Idioma: Hulandes.
Bo ke digitalisá komo empresario na un manera sabí – pero sí sin hopi molèster, but òf lèkmentu di data?
E ora ei e seshon akí ta pa bo.
Durante e seshon akí di NLX Caribbean, bou di guia di Frank de Pont, nos ta mustra bo kua ta e riesgonan ku empresarionan ta tuma diariamente sin ku nan ta konsiente di esaki, dikon siguridat sibernétiko no ta un gastu adishonal pero netamente algu ku ta akselerá kresementu, i kon ku ayudo di un ‘Document Management System – DMS’ (un sistema pa maneho di dokumentu), pa medio di metadata, workflows i shablon, bo por traha mas rápido, kompartí sin fout i kumpli ku eksigensianan legal.
For di e enkuesta di Kámara di Komèrsio na aña 2024 a resultá ku empresarionan na Boneiru masalmente ke hasi mas kos online: mitar di nan ke ofresé servisio digital i un kuart aktivamente ke bai hasi algu ku data. E ambishon t’ei kaba pues. Pero esaki ta lanta sierto preguntanan: kon bo ta hasi esaki na un manera seif? Kon bo ta sòru pa digitalisashon akselerá bo negoshi, na lugá di hink’é den peliger?
Nos ta presentá e prinsipionan básiko hasiendo uso di ehèmpelnan ku den munisipionan i den gobièrnu di Reino pa hopi aña kaba nan ta apliká eksitosamente i ku ta ekselentemente ahustabel pa empresa mediano i chikitu (MKB). Ta trata pues di sistemanan di traha komprobá ku bo por tradusí mesora den bo propio operashon empresarial: seif, efisiente i resiliente pa futuro.
Di e manera akí den un solo bista ta bira evidente ku ya kaba e aserkamentu akí a proba su mes den práktika i ku mañan mes bo por kuminsá ku esaki.