Tayer di Nibud: Rekonosé i atendé korektamente problemanan finansiero bou di bo empleadonan

Bo ke komprendé i rekonosé problema finansiero mas mihó, i seguidamente sa kon bo tin ku aktua? E ora ei registrá bo mes pa e tayernan interaktivo di Nibud na Kámara di Komèrsio: Bèrgwensa i Strès, i Rekonosé i Aktua. E tayernan akí, bou di guia di Jona Felida, ta spesialmente pa dunadónan di trabou, konseheronan di rekurso humano (HR) i boluntarionan ku den nan ambiente di trabou ta konfrontá (konsekuensianan di) problemátika finansiero di por ehèmpel empleadonan.

Nos ta siña di i huntu ku otro den dos seshon práktiko:

Djárason tramèrdia 15 di òktober 2025, un tayer plenario: Bèrgwensa i Strès

• Siña tokante e impakto ku problema finansiero, bèrgwensa i strès tin riba komportashon. Kiko esaki ta nifiká pa bo manera di duna ayudo? E kontenido ta adaptá na e situashon na Boneiru.
• Ora: 15.00 or – 17.00 or
• Tin lugá pa 40 te 50 partisipante

Djaluna mainta 20 di òktober 2025, tayer interaktivo: Rekonosé i Aktua

• Deskubrí kon bo ta rekonosé señalnan di preokupashon tokante sèn i kon bo por reakshoná riba esakinan. Bo ta haña hèrmèntnan práktiko di Nibud i un bista general útil di Boneiru su mapa sosial.
• Ora: 09.00 or – 12.00 or
• Tin espasio pa 20 te 25 partisipante

Registrá

• Sitio: Kámara di Komèrsio Boneiru, Kaya Amsterdam, Kralendijk
• Partisipashon ta grátis!
• Por registrá via: opleidingen@nibud.nl. Menshoná bo nòmber, bo funshon i e organisashon ku bo ta traha p’e.
• Bo por registrá pa 1 di e 2 enkuentronan òf pa tur dos.

Nos ta spera di por yama bo bon biní dia 15 i/òf 20 di òktober!

Paga tinu: den kaso di sufisiente interes, nos ta ofresé e tayer akí na papiamentu tambe. Pa awor nos ta enfoká riba yenamentu di e gruponan ku ta papia hulandes.