Nov 12
Eventonan

Yamada na tur ARTISTA na Boneiru!

Kámara di Komèrsio Boneiru, huntu ku Entidat Públiko Boneiru i Qredits Boneiru, ta organisá ‘The Bonaire Chamber Art Exhibition 2021’.  Durante e eksposishon akí dia 12 di novèmber e artistanan ku registrá ta haña un seminario di Kámara di Komèrsio tokante kon nan por komersialisá nan pashon òf hòbi i alabes Qredits Boneiru ta bai duna informashon tokante nan Fiansa pa Kultura BES ku ta dirigí riba e grupo di enfoke akí.

Dia 13 di novèmber ta ekshibí tur obra di arte di e artistanan ku ta partisipa den edifisio di Kámara di Komèrsio i públiko por kana drenta pa wak i kumpra esakinan.

Relashoná ku esaki Kámara di Komèrsio ta invitá tur artista ku ta aktivo den tur kategoria di arte, manera pintor, arte plástiko, industria gráfiko i fotografia pa registrá via e siguiente lenk: https://bit.ly/3G4QZii. Registrashon ta posibel te ku pa mas tardá 27 di òktober 2021. Partisipashon ta kompletamente grátis i bo no tin mester di ta registrá komo empresa na Kámara di Komèrsio Boneiru pa por partisipá na esaki.

Pues REGISTRÁ RÁPIDAMENTE!!!