Informashon pa emprendedónan ku tin interés den un kiosko den Isidel Park

Djabièrnè 13 di yüni, Bonaire Overheidsgebouwen (BOG) i Kámara di Komersio Bonaire (KvK) a oferé un merdia di informativo pa emprendedónan ku tin interés pa haña un lokasión di kiosko den Isidel Park.

BOG ta e doño di e parke, i den kolaborashon ku e Sentro pa Emprendedurismo, KvK lo yuda i duna apoyo na e emprendedónan ku ta bai tuma parti di e proyekto. E programa ta inkludí formashon, workshops i enkuentro pa amplia konosementu di e emprendedónan i duna nan e herramienta nesesario pa logra éksito den su negoshi den Isidel Park.

Despuès di e seshon di informashon, e kandidatonan a haña algun dia pa prepara un pitch tokante nan idea di negoshi. E gran dia tabata 18 di yüni, ora e kandidatonan a presenta nan plan di negoshi dilanti di un jurado eksperto.

E juradonan a keda impresioná ku e nivel haltu i e originalidat di e propuestan. Hopi idea bien pensa i ambisioso a wordu presentá.

Na final, tabata  Joly’s Café i Kushina di Ina ku a logra sobresalí ku un presentashon klaru, un plan realizabel i un bishita fuerte. Nan a wordu skohe komo e dos ganadó pa eksploitá e dos kioskonan disponibel.

Nos ke felisitá Joly’s Café i Kushina di Ina i hopi exito ku nan