ANUNSIO

Riba djabierne 19 di novèmber 2021 Komishon Elektoral di Kámara di Komèrsio i Industria Boneiru a bini huntu den seshon i a stipulá e listanan di kandidato pa elekshon di miembro di direktiva di Kámara di Komèrsio den e vakaturanan periódiko ku a surgi pa Empresa Chikí i Empresa Grandi.

A base di artíkulo 31 insiso 2 di ‘Kiesbesluit voor de Kamers van Koophandel en Nijverheid BES’ (Dekreto Elektoral pa Kámaranan di Komèrsio i Industria BES), Komishon Elektoral ta deklará e siguiente kandidatonan komo elegí, pasobra tabatin un (1) kandidato pa un (1) lugá ku mester a yena pa Empresa Grandi i tambe Empresa Chikí:

Pa Empresa Grandi:                                Señor Leonard Domacassé

Pa Empresa Chikí: :                                 Señor Jeaniro Balentien

Kopia di e prosèsvèrbal di e seshon di Komishon Elektoral ta disponibel na sekretariado di Kámara di Komèrsio pa tur hende mira.

Kámara di Komèrsio i Industria Boneiru

Cherethy Kirindongo

Sekretaria di Komishon Elektoral