ANUNSIO e listanan di kandidato
ANUNSIO
Riba djabièrnè 28 di novèmber 2025, e Komishon Elektoral di Kámara di Komèrsio i Industria Boneiru a bini huntu den un seshon formal i a stipulá e listanan di kandidato pa elekshon di miembro di direktiva di Kámara di Komersio i Industria Boneiru.
A base di artíkulo 12 di e Dekreto Elektoral pa Kámaranan di Komèrsio i Industria BES, e Komishon Elektoral ta deklará ku e siguiente kandidatonan ta elegibel pa yena e lugánan ku ta habrí den direktiva di Kámara di Komèrsio i Industria Boneiru, i ta stipulá ku 9 kandidato ta elegibel pa 5 posishon disponibel den direktiva di KdK, i esakinan ta:
- Sr. Jeaniro Balentien
- Sr. Ghulam Choudry
- Sra. Eduarda (Judy) Diaz
- Sr. Leonard Domacassé
- Sr. Caryl (Hans) Els
- Sr. Reuben Giskus
- Sr. Giovannie Hart
- Sr. Ottmar Martie
- Sr. Marcel Westerhoff
Konforme artíkulo 13 insiso 4 di e Dekreto Elektoral pa Kámaranan di Komèrsio i Industria BES, e Komishon Elektoral pa medio di esaki ta anunsiá, ku awor ku e kantidat di kandidato ta mas grandi ku e kantidat di posishon den direktiva ku mester yena, un elekshon lo tuma lugá.
Na nòmber di presidente di Kámara di Komèrsio pa medio di esaki nos ta anunsiá ku e votashon ta tuma lugá riba djabièrnè 12 di desèmber 2025, for di 09:00 or te 13:00 or, na Kámara di Komèrsio Boneiru.
Konforme artíkulo 2 di e Dekreto Elektoral di e Kámaranan di Komèrsio i Industria BES, pa medio di esaki nos ta invitá representantenan di empresanan i personanan hurídiko ku tin derecho di voto, ku eksepshon di asosiashonnan i fundashonnan, pa depositá nan voto. E votadónan mester presentá un identifikashon bálido, manera ta referí den artíkulo 2 di e Lei di Obligashon di Identifikashon BES, na e presidente di e komishon elektoral, kende lo konfirmá nan identidat.