Bishitá trade event ProColombia Showroom Aruba-Curaçao 2024

Djaweps 12 di sèptèmber 2024 – Kámara di Komèrsio i Industria Boneiru (KvK Bonaire) a partisipá na e ProColombia Showroom Aruba-Curacao 2024 ku a tuma lugá na Kòrsou.

E evento komersial akí ku enfoke riba agrikultura a mustra un variedat grandi di sektor bou di e 16 partisipantenan, manera bèrdura i fruta fresku, kòfi, chukulati etc. Tur esakinan ta kumpli ku normanan internashonal di kalidat pa medio di sertifikashon manera Kosher i Global GAP (Good Agricultural Practices).

E desafionan logístiko tambe a bini dilanti. Kámara di Komèrsio Boneiru ta na altura di esakinan i ta bai atendé ku e retonan akí huntu ku e diferente stakeholdernan i empresarionan.

E meta ta pa den futuro sigui amplia eksportashon i ekspertisio di agrikultura na e islanan karibense i fortifiká e ret komo suministradó konfiabel.

Kámara di Komèrsio Boneiru ta gradisí ProColombia pa e invitashon i ta spera mas kolaborashon ‘fruktífero’.