Jun 18
Notisia

Bo kódigo di SBI ta bai kambia. Kambio grandi den kódigo di SBI na fin di aña 2025

Manera nos a informá bo anteriormente, un revishon grandi di SBI lo tuma lugá na aña 2025. Aktualmente Ofisina Sentral di Estadístika ta trahando tur ku tin riba preparashon di revishon di e Klasifikashon Empresarial Standart (Standaard Bedrijfsindeling – SBI). Kua ta e konsekuensianan ku e revishon renobá di SBI tin pa registrashon di empresa na Kámara di Komèrsio Boneiru?

E revishon di SBI ta regardá kombinashon, supdivishon òf re-areglo di un kantidat di kódigo di SBI. Banda di esaki e kódigonan ku awor akí ta konsistí di kuater nivel, ta haña un di sinku nivel pa medio di agregá un sero aserka. Debí na esaki hopi empresa lo haña un otro kódigo di SBI. Por lo general esaki no tin konsekuensia pa e aktividatnan di un empresa.

Mas òf ménos un biaha den 15 aña nan ta renobá e kódigo di SBI (Klasifikashon Empresarial Standart), pa konektá ku desaroyonan ekonómiko i kambio den aktividatnan empresarial. E siguiente ahuste grandi ta planiá pa aña 2025. Kámara di Komèrsio ta prosesá e kambionan akí den e último kuartal di aña 2025 den Registro Komersial.

Kiko esaki ta nifiká pa bo empresa?

Ahuste outomátiko di bo kódigo di SBI:

  • Kámara di Komèrsio ta sòru pa prosesá bo kódigo di SBI outomátikamente. Bo mes no tin mester di hasi nada pa esaki.
  • Den kaso ku na momentu di kombinashon / divishon di e kódigonan di SBI algu kambia tòg pa bo, e ora ei nos lo pone bo na altura di esaki via email (konosí serka nos).

Kontrolá bo aktividatnan empresarial:

  • Ta importante ku bo aktividatnan empresarial den Registro Komersial ta kuadra. E deskripshon korekto ta sòru pa bo haña e kódigo korekto di SBI.
  • Bo aktividatnan a kambia? Sòru e ora ei pa bo ahustá esaki promé ku luna di sèptèmber 2025 den Registro Komersial. Bo por regla esaki bo mes na un manera simpel via Kámara di Komèrsio.

Dikon un kódigo korekto di SBI ta importante?

  • Nan ta usa kódigonan di SBI pa estadístika, pa klasifikashon den sektor i tin ora tambe pa supsidio, pèrmit òf seguro. Pa e motibu akí un kódigo robes por tin influensia riba bo empresa.

Komo empresario, por fabor tene na kuenta ku bo por usa e mòdulo di deskripshon di SBI 2025  nobo solamente si el a keda implementá den e último kuartal di 2025. Por lo tantu bo tin ku keda usa e mòdulo di deskripshon di SBI 2008 te ora bo keda informá mas aleu tokante esaki.

Mas informashon tokante e kambio di kódigo di SBI, bo por haña akinan.