Bo ta bira nos miembro di direktiva nobo?

Anunsio di vakatura i postulashon di kandidato pa miembro di direktiva di Kámara di Komèrsio i Industria Boneiru (despues indiká komo: KvK Boneiru)

KvK Boneiru ta anunsiá ku a stipulá e temporada pa postulashon di kandidato pa elekshon di un direktiva nobo di Kámara di Komèrsio di 1 te ku 14 di novèmber 2025. Ta trata di yenamentu di sinku (5) vakatura den direktiva di KvK Boneiru.

Kandidatonan por registrá pa medio di entregá un formulario di postulashon ku por lo ménos diessinku (15) persona ku derecho di voto a firma.

E formularionan pa postulashon di kandidato i e deklarashonnan menshoná ariba ta gratuitamente disponibel pa votadornan na ofisina di Kámara di Komèrsio i Industria, Kaya Amsterdam 23.

Un di e personanan ku a firma mester entregá e formulario di postulashon di kandidato i e deklarashon, ku por lo ménos diessinku persona ku derecho di voto a firma, na bali di KvK Boneiru, na Kaya Amsterdam 23. E postulashon di kandidato mester ta entregá pa mas tardá 14 di novèmber 2025.

Pa mas informashon bo por konsultá nos wèpsait: www.bonairechamber.com. Òf bo por tuma kontakto ku Kámara di Komèrsio Boneiru, via e number di telefòn 717 – 5595 òf manda un email pa e sekretario: verkiezingen@kvkbonaire.com