Cherethy Kirindongo ta tuma despedida di Kámara di Komèrsio Boneiru

Riba djamars 9 di mei direktor di Kámara di Komèrsio Boneiru, Cherety Kirindongo, a tuma despedida di personal i stakeholdernan di Kámara di Komèrsio. Direktiva di Kámara di Komèrsio ta gradisí Cherety pa su dedikashon inkansabel den un periodo ku tabata prinsipalmente bou di dominio di e krísis di COVID-19. No opstante esaki el a logra pa sigui profeshonalisá nos organisashon i hib’é na un nivel strukturalmente mas haltu.

For di 1 di yüni Kámara di Komèrsio ta yama bon biní na señor Phar Martha komo direktor nobo. E ta entusiasmá pa proveé Kámara di Komèrsio ku impulsonan nobo i pa sigui fortifiká e fundeshi. Señor Martha ta bon familiarisá ku Boneiru i nos stakeholdernan. El a traha pa MCB Bank i resientemente pa Telbo na Boneiru.