Di dos seshon di informashon di e luna di Rekurso Humano (HR) di KdK Boneiru

Djabièrnè mainta 16 di mei 2025 e di dos seshon di informashon di e luna di Rekurso Humano (HR) di Kámara di Komèrsio (KdK) Boneiru a tuma lugá. Meskos ku esun di promé, e seshon akí tabata bou di guia di Judith Brekelmans di e ofisina ‘Team’ i a enfoká riba e tema di kòmbersashon di funshonamentu i di evaluashon.

Mas ku 30 partisipante tabata presente na e enkuentro ku a karakterisá su mes pa medio di un grado haltu di interakshon. Tabatin hopi espasio pa hasi pregunta, kaminda e partisipantenan aktivamente a papia tokante nan propio situashonnan den práktika. Tambe nan a interkambiá di eksperensia, loke a kondusí na diskushonnan hopi animá i balioso.

Judith Brekelmans tabata sa di guia e partisipantenan na un manera aksesibel i eksperto atraves di e materia, kaminda teoria i práktika a kana man den man. Tur hende a eksperensiá e seshon komo sumamente edukativo i inspirativo.

Ku e tipo di seshonnan akí, e luna di Rekurso Humano (HR) di Kámara di Komèrsio Boneiru ta ofresé hèrmèntnan konkreto pa empresarionan lokal i pa profeshonalnan di Rekurso Humano (Hr) pa fortifiká i profeshonalisá nan maneho di personal.