Di tres seshon di informashon di e Luna di Rekurso Humano (HR)

Riba djaweps e di tres seshon di informashon di e Luna di Rekurso Humano (HR) di Kámara di Komèrsio a tuma lugá, ku komo tema derecho laboral. E seshon tabata na enkargo di Lucas Drissen, abogado na HBN Law & Tax, i a atraé un sala yen di mas òf ménos 50 partisipante.

E enkuentro a kuminsá ku un sondeo digital interaktivo, den kua a evaluá konosementu di e presentenan tokante derecho laboral. Esaki mesora a sòru pa enbolbimentu i a forma un bunita preludio pa yega na e deliberashon a base di kontenido tokante tópikonan aktual i relevante, manera akuerdo laboral, relashon fleksibel di trabou, orario di trabou i lei di retiro.

Un grado haltu di interakshon a karakterisá e seshon akí. For di e públiko a bini hopi pregunta, ku Lucas Drissen a kontestá na un manera profeshonal. E diskushon hopi animá i e ehèmpelnan práktiko a hasi ku e enkuentro a bira unu tantu edukativo komo aplikabel pa e práktika diario di Rekurso Humano (HR).

E último seshon di e Luna di Rekurso Humano (HR) ta planiá pa djabièrnè 30 di mei i ta bai tokante hiba kòmbersashon di mal notisia. E seshon akí un biaha mas ta na enkargo di Judith Brekelmans di Team, ku anteriormente den e luna ya kaba e duna un aporte eksitoso. Por registrá via e siguiente lenk: https://forms.office.com/e/gVfSfkiqfX. No pèrdè esaki!