Dos dia di kapasitashon eksitoso di Merkadeo i Komunikashon di Sentro di Empresariado

Riba 12 i 13 di febrüari 2025 Sentro pa Empresariado a organisá un eksitoso kapasitashon ku a dura dos dia pa partisipantenan na e programa di Sentro pa Empresariado. E tema di e kapasitashon tabata Merkadeo i Komunikashon, un tópiko esensial pa empresarionan ku ta kuminsando i ku ke laga nan empresa krese i edifiká un posishon fuerte riba merkado.

Durante e kapasitashon e partisipantenan a optené konosementu i vários hèrmènt práktiko riba tereno di strategia di merkadeo, kon pa determiná grupo di enfoke i komunikashon efektivo. E seshonnan interaktivo a ofresé espasio pa kompartí konosementu i pa ehersisionan ku enfoke riba práktika, di manera ku e empresarionan por a kuminsá mesora ku fortifikashon di nan marka i nan aserkamentu di merkado.

E programa di Sentro pa Empresariado ta un inisiativa ku ta keda ehekutá riba enkargo di Ministerio di Asuntunan Ekonómiko i e Servisio di Reino pa Hulanda Empresarial (Rijksdienst voor Ondernemend Nederland – RVO). Kámara di Komèrsio i Industria Boneiru a haña e tarea pa desaroyá e programa di empresariado akí i duna sosten na empresarionan ku ta kuminsando, na momentu di edifikashon di un empresa viabel.

Ku kapasitashonnan manera esaki, Sentro pa Empresariado ta kontribuí na desaroyo di talento empresarial i e ta stimulá un base sólido pa empresanan eksitoso na nos isla.

Pa informashon tokante e programa di Sentro pa Empresariado bo por yama 717 5595 òf manda un email na ondernemerschap@kvkbonaire.com