Eksitoso kapasitashon di dos dia ‘Kon mi ta skirbi un plan di negoshi’ na enkargo di Sentro pa Empresariado

Dia 18 i 19 di mart Sentro pa Empresariado, un programa di Kámara di Komèrsio i Industria Boneiru (KdK Boneiru), a organisá un eksitoso kapasitashon di dos dia pa empresarionan ku ta kuminsando. Tema di e kapasitashon tabata ‘Kon mi ta skirbi un plan di negoshi’, i e partisipantenan tabata sumamente entusiasmá tokante e konosementu balioso i e instrumentunan práktiko ku nan a risibí.

Durante e kapasitashon e partisipantenan a siña vários abilidat esensial pa formulashon di un plan di negoshi fuerte. E tópikonan ku a keda tratá, tabata entre otro:

• Traha un análisis SWOT pa haña konosementu di e puntonan fuerte i suak di e negoshi, i tambe e oportunidatnan i menasanan den e merkado.
• Yena un Business Model Canvas, un instrumentu práktiko pa haña un bista general klarito di strategia di e negoshi.

Riba enkargo di Ministerio di Asuntunan Ekonómiko i Klima i e Servisio di Reino pa Hulanda Empresarial (Rijksdienst voor Ondernemend Nederland – RVO), Kámara di Komèrsio ta ehekutá e programa pa empresariado. E programa akí ta duna empresarionan ku ta kuminsando sosten ku desaroyo di nan empresa, ku komo meta pa edifiká un empresa sólido i faktibel.

Pa mas informashon tokante e programa i kapasitashonnan di futuro, manda un email na ondernemerschap@kvkbonaire.com òf yama 717 5595.