Elekshon pa miembro di direktiva di Kámara di Komèrsio i Industria Boneiru

Entrante 1 di yanüari 2021 ta surgi un vakatura pa un miembro di direktiva di Kámara di Komèrsio i Industria Boneiru. E vakatura ta regardá e kategoria di Empresa Chikí.

Dia 17 di novèmber 2020 Komishon Elektoral di Kámara di Komèrsio a komprobá ku tin dos kandidato pa e vakatura.

E kandidatonan aki pa e kategoria di Empresa Chikí ta:

• señor Jeaniro Balentien
• señor Robert van den Berge

Riba djabièrnè 11 di desèmber 2020, entre 9.00 i 12.00 or, e votashon lo tuma lugá pa yena e vakatura pa e kategoria di Empresa Chikí. Na e okashon ei Komishon Elektoral ta tene seshon den edifisio di Kámara di Komèrsio na Kaya Amsterdam 23.

Kámara di Komèrsio ta hasi un yamada na tur persona ku derecho di voto pa Empresa Chikí pa partisipá na e votashon. E aña aki lo manda e karchi di vota via imeil na e imeil di negoshi ku ta registrá den Registro Komersial. Si e adrès di imeil ku ta konosí na Kámara di Komèrsio no ta aktualisá, e ora ei nos ta supliká bo pa mèldu esaki mas pronto posibel via handelsregister@kvkbonaire.com. Si akaso no a registra un imeil na

Kámara di Komèrsio lo laga entrega e karchi di vota via pòst.

Si bo no risibí bo karchi di vota òf no risibí esaki na tempu, pero bo ta aparesé si riba e lista di votadó pa Empresa Chiki , e ora ei riba bo petishon nos ta entregá bo un karchi (nobo) si bo por proba bo identidat pa medio di un prueba di identifikashon bálido.