Entrante 1 di òktober 2025 ta prosesá e kódigo(nan) nobo di SBI outomátikamente den Registro Komersial

Ofisina Sentral di Estadístika (CBS) a aktualisá e kódigonan i pa e motibu akí nos ta remplasá e kódigonan di SBI (klasifikashon standart di empresa). Pa esaki Kámara di Komèrsio Boneiru mester a implementá un aktualisashon den e klasifikashon di aktividat di empresa segun e Klasifikashon Standart di Empresa (Standaard Bedrijfsindelinf – SBI). E ahuste akí ta nesesario pa konektá mas mihó ku e realidat ekonómiko i e desaroyonan sektoral aktual.

Kiko esaki ta nifiká pa bo?

Entrante 1 di òktober 2025 nos a prosesá e kódigo(nan) nobo di SBI outomátikamente pa bo den Registro Komersial. Bo mes no tin mester di hasi nada pa esaki. Via e emailadrès di bo empresa ku ta konosí serka nos, bo a risibí un email. Si bo no a risibí esaki, e ora ei bo por bin buska e karta serka nos na Kaya Amsterdam 23 riba dianan di trabou for di 08:00 or te ku 15:00 or, òf hasi un petishon pa esaki via email na sbi@kvkbonaire.com.

Bo no ta di akuerdo ku e kodifikashon nobo?

Den kaso ku e kodifikashon nobo no ta kuadra ku bo aktividatnan empresarial aktual, e ora ei bo por komuniká esaki ku nos pa medio di yena formulario R i manda esaki na sbi@kvkbonaire.com

Adishonalmente, esaki ta un bon momentu pa motivá tur hende ku aún no a hasi uso di nos portal online pa hasi esaki. Bo mes por kambia bo datonan online. Pa instrukshon kon pa hasi esaki, nos ta referí gustosamente na e siguiente link: https://youtu.be/OqtDhovLPxY.

Bo ke keda na altura di e tayernan, kursonan òf proyektonan di Kámara di Komèrsio i Industria Boneiru? E ora ei tene nos wèpsait i nos página di Facebook na bista.

Bo por tuma kontakto tambe ku Kámara di Komèrsio via 717 – 5595 òf bo por manda un email na bis@kvkbonaire.com.