Entrante Kámara di Komèrsio Boneiru ta introdusí e Klasifikashon Standart nobo di Empresa (SBI 2025)

Entrante 1 di òktober 2025 Kámara di Komèrsio Boneiru ta introdusí e Klasifikashon Standart nobo di Empresa (Standaard Bedrijfsindeling – SBI 2025). Esaki ta remplasá e aktual SBI 2008 i e tin konsekuensia pa registrashon di empresa den e Registro Komersial.

E kambionan mas importante

• Ta bai kombiná, supdividí òf re-areglá e kódigonan di SBI eksistente;
• Di awor en adelante tur kódigo ta konsistí di sinku sifra, ku kua ta registrá aktividatnan empresarial den un forma mas spesífiko;
• Pa tur empresario eksistente, Kámara di Komèrsio ta adaptá nan kódigonan di SBI outomátikamente. Pa esaki empresarionan mes no tin mester di tuma akshon.

Dikon un SBI nobo?

Mas òf ménos 1 biaha den kada 15 aña, Ofisina Sentral di Estadístika (CBS) ta renobá e kódigo di SBI (Klasifikashon Standart di Empresa – Standaard Bedrijfsindeling) pa konektá ku desaroyonan ekonómiko i teknológiko, formanan nobo di empresariado i komparabilidat internashonal di dato.

Dikon un kódigo di SBI ta importante?

• Ta usa kódigo di SBI pa estadístika, klasifikashon di sektor i tin ora tambe pa supsidio, pèrmit, banko òf seguro. Pa e motibu akí un kódigo inkorekto por tin influensia riba bo empresa.

Kiko esaki ta nifiká pa empresanan?

Adaptashon outomátiko di bo kódigo di SBI:

• Kámara di Komèrsio ta sòru pa aktualisá bo kódigo di SBI. Bo mes no tin mester di hasi nada pa esaki;
• Despues di e adaptashon outomátiko di e kódigonan di SBI, ta pone bo na altura di esaki via email.

Kiko bo tin ku hasi komo empresario?

Kontrolá bo aktividatnan empresarial:

• Ta importante ku bo aktividatnan empresarial den e Registro Komersial ta kuadra. E deskripshon korekto ta sòru pa bo haña e kódigo korekto di SBI;
• Bo aktividatnan a kambia? Sòru e ora ei pa bo adaptá esaki den e Registro Komersial. Bo mes por regla esaki na un manera simpel via Kámara di Komèrsio;

Fecha di entrada na vigor di e kódigo di SBI 2025 Registro Komersial Kámara di Komèrsio Boneiru

Dia 1 di òktober 2025 ta kambia tur registrashon eksistente outomátikamente.

Sosten  

Den kaso ku tin duda tokante e kódigo korekto di SBI, por konsultá e splikashon pa kada kódigo via e wèpsait di Ofisina Sentral di Estadístika. Esaki ta yuda pa skohe e klasifikashon mas spesífiko i ku ta kuadra mas.

Pa pregunta òf konsulta bo por tuma kontakto ku sbi@kvkbonaire.com

Ku esaki nos ta konfia di a informá bo sufisientemente i nos ta gradisí bo pa bo enbolbimentu ku un implementashon kuidadoso di SBI 2025.