Evento pa emprendedó nan ku ta kuminsá, organisá pa Centrum voor Ondernemerschap (CvO)

Djarbierne 11 di yüli, CvO a organisá un evento inspiradó pa emprendedó nan ku ta kuminsá, ku tema ‘Kuminsá i Krese’. E meta di e reuni éra pa duna informashon, inspirashon i pa konektá ku otro, tur pa yuda esnan ku ta kuminsá su propio negoshi.

Señor Gaby Felix a duna un presentashon motibadó den kua e a saka na dilanti e punto esensialnan pa un bòn kuminsamentu komo emprendedó. El a toká tópikonan manera skibi un plan di negoshi strukturá, traha un bòn red di kontakto, planifikashon finansiero i importansia di tin perseveransia.

Despues di e presentashon, e partisipantenan a haña e oportunidad pa papia ku emprendedónan ku tin eksperensia. Den e seshon interaktivo aki, esnan ku ta kuminsá pora pone su preguntanan i haña konseho i idea balioso di profeshonalnan ku a pasa kaba riba e mesun kaminda di emprendedó.

Nobo pa e aña aki tabata introdukshon di un strippenkaart spesial pa emprendedó nan ku ta kuminsá. Ku e karta aki, nan por plania te tres (3) sita individual ku un emprendedó eksperto di nan preferensia, pa por sigui papia tokante nan plan, desaroyo, desafionan i posibilidade di kresementu. Di e manera aki, CvO ta stimula sosten i profundidat di apoyo mes despues di e evento.

Kámara di Komersio i Industria di Boneiru (KvK Boneiru) a risibí enkargo di Ministerio di Asunto Ekónomiko i Rijksdienst voor Ondernemend Nederland (RVO) pa desaroyá un programa di emprendementu. E programa aki ta orientá pa yuda esnan ku ta kuminsá su negoshi pa desaroyá un empresa ku por dura. E idea ta pa por haña mas klaridat tokante kiko nan mester, kiko nan no sa i kiko “skills” nan mester disaroyá pa logra sostenibilidat. E programa lo por duna yudansa gratuito riba asuntunan manera finansashon, konosementu, lisensia i belasting. E “skills” por wordu desaroyá mas via vouchers pa trening, kurso i coaching.

E evento a tin bon atenshon di partisipantenan i tur ku a asisti a eksperensia esaki komo un oportunidad hopi edukativo i motibadó. CvO ta mira bèk ku satisfakshon na un evento eksitoso i ta kontinua ku su dedikashon pa apoyá (nobo) emprendedónan den nan kaminá pa kreshimentu i desaroyo.