Kámara di Komèrsio Boneiru a duna presentashon durante e Siman di Konosementu di Entidat Públiko Boneiru

Riba djabièrnè 21 di mart Kámara di Komèrsio i Industria Boneiru a tene un tayer informativo pa empleadonan di Entidat Públiko Boneiru. E tayer akí a tuma lugá den kuadro di nan Siman di Konosementu.

Durante e seshon Kámara di Komèrsio a duna un presentashon tokante e pasonan i posibilidatnan pa empleadonan ku ke kuminsá ku un empresa, miéntras nan ta den servisio salarial. Durante e presentashon nan a duna splikashon tokante e puntonan di atenshon, reglanan i servisionan di sosten mas importante.

E Siman di Konosementu di Entidat Públiko Boneiru ta ofresé e empleadonan un oportunidat pa amplia nan abilidatnan i nan konosementu. E kontribushon di Kámara di Komèrsio a brinda konosementu balioso pa empleadonan ku tin ambishon pa bira empresario.

Pa mas informashon bo por tuma kontakto ku Kámara di Komèrsio Boneiru na 717 5595 òf bo por manda un email na bis@kvkbonaire.com