Kámara di Komèrsio Boneiru ta stimulá ‘Aktitut Laboral’ na MBO Bonaire

Na MBO Boneiru for di aña eskolar 2021-2022 nan ta duna e materia ‘Aktitut Emprendedor’ na tur e studiantenan di MBO. Den e periodo di 17 di aprel pa 2 di mei último den kuadro di aktitut emprendedor, Kámara di Komèrsio Boneiru tabatin dos tayer na su enkargo i nos ta aploudí e materia akí. Esaki sigur ta un invershon balioso den futuro di nos isla. Pa medio di laga nos hóbennan sera konosí for di tempran ku empresariado i siña nan e abilidatnan i e ‘mindset’ nesesario, KvK ta kontribuí na un base bunita. Pa medio di inspirá i enkurashá nos hóbennan pa ta emprendedor, nan por desaroyá abilidatnan balioso, manera kreatividat, inovashon, perseveransia i kapasidat pa solushoná problema. E abilidatnan akí no ta solamente relevante pa kuminsá ku un empresa propio, pero nan ta balioso tambe den un variashon amplio di situashonnan profeshonal i personal. Akí e dicho “loke bo siña komo hóben, bo ta praktiká ora bo bira mas grandi” sigur ta aplikabel.