Kamara di Komèrsio Boneiru ta yama danki na su spònsernan

Kámara di Komèrsio Boneiru ta yama danki na su spònsernan ku e aña akí tambe tabata un sosten grandi pa KvK Academy 2024.

• E ganadó apsoluto di e Shark Tank ta Siagnee Evertsz di Total Safety First, ku a konbensé e hurado ku su aserkamentu inovativo ku enfoke riba futuro i ku pa e motibu ei a keda deklará komo ganadó. E ganadó a bai kas ku vários bunita premio ku e spònsernan a pone disponibel.
• Maduro & Curiel’s Bank Bonaire N.V. a pone un suma di $1000 disponibel pa e ‘first runner-up’ (e di dos lugá).
• Cactus Accounting Services tambe a pone un suma di $1000 disponibel pa e ‘second runner-up’ (e di tres lugá). Banda di esaki Cactus Accounting Services a ofresé un trayekto di guia.
• Sentro di Salú Bon Bida a opsekiá e ganadó un aña di fitness, na balor di $750.
• Telbo Bonaire a regalá e ganadó tres luna di ‘business internet’.
• City Shop a pone un lèptòp kla pa e ganadó.
• I Rocargo Services a pone un suma di $500 disponibel pa transportá e merkansia ku e ganadó a kumpra pa Boneiru.
• Servisio di Reino pa Empresariado (Rijksdienst voor Ondernemerschap), un departamento di ministerio di Asuntunan Ekonómiko i Klima (EZK), a ofresé un trayekto di coaching na balor di $3500 pa e ganadó.
• Tambe e ganadó por bai saka su reibeweis grandi ku e premio di Nynedroid Autorijschool.
• OGS a ofresé tur kandidato 2 ora di konseho finansiero na balor di $500