Kámara di Komèrsio i Industria Boneiru (KvK) ta klousurá KvK Academy 2025 en grande ku Tanki di Tribon
Kámara di Komèrsio i Industria Boneiru (KdK) e aña akí un biaha mas a klousurá KvK Academy na un manera impreshonante ku e evento inspirativo di Tanki di Tribon. Durante e final festivo akí 18 empresario (aspirante) talentoso a haña oportunidat pa presentá nan empresa na un hurado eksperto i independiente.
Den total, 38 empresarionan a tuma parti na e KvK Academy 2025. A oferé un total di diesun (11) módulo:
- Ken ta mi kliente
- Mi Value Proposition
- Marketing & Komunikashon
- CRM – Relashon ku Kliente
- Fuente di Wèntas/Ingresonan
- Recurso Esensial
- E Pitch Perfekto
- Huntu nos ta mas fuerte
- Impuesto
- Finansiashon
- Plan di Empresanan
Nobo es aña aki tabata un módulo kaminda Artificial Intelligence (AI) a wòrdu ofresé pa nan model di negoshi.
E presentashonnan tabata fuerte, kreativo i diverso, di manera ku e hurado a enfrentá un eskoho desafiante. Finalmente nan a selektá e tres empresanan mas prometedor komo ganadó.
E tòp 3 empresanan
- Flavorful Moment – Jurdine Felix
Flavorful Moment a nase for di pura pasión: e deseo pa kreá momentu ku ta keda pa semper den recordashon i ta simbolisa fiestu riba nos isla. Flavorful Moment ta yega na bo lugá pa kompleta tur tipo di fiesta (tambe pa mucha). Nan ta tene kuenta di tur kos—for di dekorashon te tur tipo di dushi den tur koló i tambe tamayó. - Huma Trading – Ragnhild Isabella
Huma Trading ta kultivá e sabors i produkto auténtiko di Boneiru. Ku Humá-Bar-B-Kuí, e kompania ta trese un manera nobo pa hasi BBQ, i ta trese hende huntu dor di e sabor ahumá di isla i e espíritu di komunidat. Asina nos ta mantené kultura di Boneiru bibu dor di sabor, konekshon i sostenibilidat Huma Trading ta bisa. - La Belle Soiree – Ludvarina Valerio
Un setup romántiko spesialmente pa (pareha) ku ke haña otro bèk meskos ku antes. Na playa òf riba Brandaris—La Belle Soiree por kumbensé tur deseo. E kliente ta rei serka La Belle Soiree.
E evento di Tanki di Tribon no solamente ta koroná e trayekto eksitoso di KvK Academy, pero e ta selebrá tambe e espíritu empresarial di e partisipantenan. Kámara di Komèrsio ta felisitá tur partisipante i ta spera di mira e kresementu kontinuo di nan empresanan.
Banda di esaki Kámara di Komèrsio ta ekspresá su gratitut tambe na Entidat Públiko Boneiru, MCB Bonaire, Cactus Accounting Services, Rocargo Services, Bon Bid Gezondheidscentrum, TELBO N.V., City Shop, Obersi Electronics Bonaire i Nynedroid Driving School pa nan patrosinio balioso.
KvK Academy ta brinda un plataforma kaminda empresarionan por desaroyá nan konosementu i abilidatnan i deskubrí oportunidatnan komersial nobo. Pa otro aña tambe tin un edishon nobo di KvK Academy planiá atrobe.
Pa mas informashon bo por tuma kontakto via e number di telefòn 717 – 5595 òf bo por manda un email na bis@kvkbonaire.com