Kámara di Komèrsio (KdK) a partisipá na Global Money Week

Kámara di Komèrsio (KdK) a partisipá na Global Money Week, un evento mundial ku ta enfoká riba oumento di konsientisashon relashoná ku e manera ku hende ta anda ku sèn. E tema di e aña akí ta: “Smart Money Talks”.

Den kuadro di e siman akí, studiantenan di MBO a sigui un tayer. Durante e seshon akí nan no a haña solamente informashon tokante kon pa kuminsá un propio empresa i e diferente formanan hurídiko, pero a enbolbí nan aktivamente ku e programa tambe.

Hasiendo uso di dies ponensia interaktivo, e studiantenan a bai den diskushon ku otro i nan a pensa krítikamente tokante eskohonan finansiero. E enbolbimentu i e partisipashon aktivo di e studiantenan a sòru pa e tayer a bira un éksito grandi.

Kámara di Komèrsio ta kontribuí na esaki pa medio di kompartí konosementu i eksperensia di práktika ku e empresarionan di mañan.

Si bo ke sa mas tokante kiko Kámara di Komèrsio ta hasi, bo por bishitá su wèpsait: www.bonairechamber.com òf bo por manda un email na bis@kvkbonaire.com òf yama 717 5595.

Bo por pasa personalmente tambe na Kaya Amsterdam 23. Nos ta habrí nòn stòp for di 08:00 or te 15:00 or.